ଆରଡ଼ି,୧୪।୧ (ଡି.ଏନ୍.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ଆରଡ଼ିର ଏକ କଲ୍ୟାଣ ମଣ୍ଡପରେ ଭାଜପା ଆଖଣ୍ଡଳମଣି ମଣ୍ଡଳ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ମଣ୍ଡଳ ସଭାପତି କିଶୋର ନାୟକ ଏଥିରେ ଅଧ୍ୟକ୍ଷତା କରିଥିଲେ। ଭାଜପା ରାଜ୍ୟ ସଭାପତି ତଥା ମଣ୍ଡଳ ପ୍ରବାସ ଯୋଜନା ପ୍ରଭାରୀ ସମୀର ମହାନ୍ତି, ପୂର୍ବତନ ମନ୍ତ୍ରୀ ମନମୋହନ ସାମଲ, ରାଜ୍ୟ ସମ୍ପାଦକ ଅଭିମନ୍ୟୁ ସେଠୀ, ଜିଲା ସଭାପତି ହେମନ୍ତ ପାଢ଼ୀ, ଲୋକ ସଭା ପ୍ରଭାରୀ ଚନ୍ଦ୍ରଶେଖର ନନ୍ଦ, ଲୋକ ସଭା ବିସ୍ତାରକ ଆର୍ତ୍ତତ୍ରାଣ ପୃଷ୍ଟି, ଭାଜପା ନେତା ଠାକୁର ରଞ୍ଜିତ ଦାସ, କମଳାକାନ୍ତ ସୁତାର, ଜଗବନ୍ଧୁ ଦାସ ପ୍ରମୁଖ ଯୋଗଦେଇ ସଶକ୍ତ ବୁଥ୍ ଓ ସକ୍ରିୟ ମଣ୍ଡଳ ଗଠନ ଉପରେ ଗୁରୁତ୍ୱାରୋପ କରିଥିଲେ। ଏଥିସହ ୨୦୨୪ ନିର୍ବାଚନରେ ଭଦ୍ରକ ଲୋକ ସଭା ଓ ଚାନ୍ଦବାଲି ବିଧାନସଭା ଆସନରୁ ଭାଜପା ପ୍ରାର୍ଥୀଙ୍କୁ ଜିତାଇବା ଲାଗି ଉପସ୍ଥିତ ୬୧ଜଣ ସକ୍ରିୟ କର୍ମକର୍ତ୍ତାଙ୍କୁ ଗୁରୁମନ୍ତ୍ର ଦେଇଥିଲେ। ଭାଜପା ମଣ୍ଡଳ ସମ୍ପାଦକ ସ୍ବଦେଶ ପଣ୍ଡା, ମୀନକେତନ ବିଶ୍ୱାଳ, ସୁରେଶ ସାହୁ, ସଦାନନ୍ଦ ମଲିକ, ଶରତ ବେହୁରିଆ, ନରେଶ ସେଠୀ, ଚନ୍ଦ୍ରକାନ୍ତ ନାୟକ, ସୁରେଶ ମହାଳିକ, ଅକ୍ଷୟ ବିଶ୍ବାଳ, ସନ୍ଦିପ ନାୟକ ପ୍ରମୁଖ ଭାଜପା ସଙ୍ଗଠନକୁ ସୁଦୃଢ଼ କରିବାକୁ କର୍ମୀମାନଙ୍କୁ ଆହ୍ବାନ ଦେଇଥିଲେ। ଜୀବନାନନ୍ଦ ପାଢୀ ଧନ୍ୟବାଦ ପ୍ରଦାନ କରିଥିଲେ।