ସୋସିଆଲ ମିଡିଆରେ ପ୍ରତ୍ୟେକ ଦିନ କିଛି ନା କିଛି ଭାଇରାଲ ହେଉଛି। ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଥିବା ଏକ ଭିଡିଓରେ ଦେଖିବାକୁ ମିଳୁଛି ଜଣେ ଗୁପ୍ ଚୁପ୍ ବିକାଳି ଖଟା ପାଣିରେ ପରିସ୍ରା ମିଶାଉଛନ୍ତି। ଭିଡିଓଟି ଆସାମର ରାଜଧାନୀ ଗୁଆହାଟିର ଆଥଗାଁଓ ଅଞ୍ଚଳର ବୋଲି ଜଣାପଡ଼ିଛି।
ମାମୁନ ଖାନ ନାମକ ଜଣେ ୟୁଜର ଏହି ଭିଡିଓକୁ ଟୁଇଟ୍ କରିଛନ୍ତି। ୨୦ ସେକେଣ୍ଡର ଭିଡିଓରେ ଗୁପ୍ ଚୁପ୍ ସହ ଦିଆଯାଉଥିବା ଖଟା ପାଣିରେ ପରିସ୍ରା ମିଶାଉଥିବା ଦେଖିବାକୁ ମିଳୁଛି। ୟୁଜରଙ୍କ ଟୁଇଟ୍ ଅନୁଯାୟୀ, ଉକ୍ତ ଭିଡିଓ ଭାଇରାଲ ହେବା ପରେ ଭେଣ୍ଡରଙ୍କୁ ଗିରଫ କରାଯାଇଛି।