କରୋନ ଭାଇରସଠାରୁ ବି ଅଧିକ ଘାତକ H5N1 ଭାଇରସ, ଏକ୍ସପର୍ଟ ଦେଲେ ଚେତାବନୀ

ନୂଆଦିଲ୍ଲୀ,/ଓ୍ବାଶିଂଟନ,୪।୪: ଆଜି ପର୍ଯ୍ୟନ୍ତ ସାରା ବିଶ୍ୱ କରୋନା ଭାଇରସ ଭଳି ମହାମାରୀଠାରୁ ସମ୍ପୂର୍ଣ୍ଣ ମୁକୁଳି ପାରିନାହିଁ। ଇତି ମଧ୍ୟରେ, କୋଭିଡ ଠାରୁ ଅଧିକ ମାରାତ୍ମକ ରୋଗ ହେଉଛି H5N1 ବା ବାର୍ଡ ଫ୍ଲୁ ଯାହା ବହୁପରିମାଣରେ ବିସ୍ତାର କରିବାର ସମ୍ଭାବନା ରହିଥିବା ଅନୁମାନ କାଯାଉଛି। H5N1 ର ନୂତନ ଷ୍ଟ୍ରେନ ବିଶେଷ ଭାବରେ ଏକ ଗୁରୁତର ବିପଦ ସୃଷ୍ଟି କରିପାରିବ। ହ୍ବାଇଟ ହାଉସ ମଧ୍ୟ ଏହାର ବିସ୍ତାରକୁ ନେଇ ଚିନ୍ତା ପ୍ରକଟ କରିଛି। ଜୀବାଣୁ ଅନୁସନ୍ଧାନକାରୀମାନେ ସୂଚାଇ ଦେଇଛନ୍ତି ଯେ H5N1 ଏକ ବିପଜ୍ଜନକ ଏପିଡେମିକ ଟ୍ରିଗର କରିବା ପାଇଁ ଏକ ‘ବିପଜ୍ଜନକ’ ପଦ୍ଧତିର ନିକଟତର ହେଉଛି।
ପିଟିଆଇ ରିପୋର୍ଟ ଅନୁଯାୟୀ, ବିଶେଷଜ୍ଞମାନେ କହୁଛନ୍ତି ଯେ ବାର୍ଡ ଫ୍ଲୁ ମହାମାରୀର ଇପିଡେମିକ ବିପଦ ଶୀଘ୍ର ବିସ୍ତାର କରିବାର ସମ୍ଭାବନା ଅଛି । ବିଶେଷଜ୍ଞ କହିଛନ୍ତି ଯେ H5N1 ଭାଇରସ covid-19 ସଙ୍କଟ ଅପେକ୍ଷା ଅଧିକ କଠୋର ହୋଇପାରେ । ହ୍ବାଇଟ ହାଉସ କହିଛି ଯେ ଏହାର ସ୍ଥିତିରେ ସମ୍ପୂର୍ଣ୍ଣ ନଜର ରଖିଛି। ସ୍ବାସ୍ଥ୍ୟ ଏବଂ ନିରାପତ୍ତା ରୋକିବା ପାଇଁ ଅନେକ ବଡ଼ ପଦକ୍ଷେପ ନେବାକୁ ବ୍ୟବସ୍ଥା କରାଯାଉଛି।
ଆମେରିକାରେ ନିକଟରେ ଗାଈ, ବିଲେଇ ଏବଂ ମଣିଷ ସହିତ ବିଭିନ୍ନ ସ୍ତନ୍ୟପାୟୀ ପ୍ରାଣୀଙ୍କ ନିକଟରେ H5N1 ଚିହ୍ନଟ ହୋଇଯାଇଛି। ପଶୁମାନଙ୍କ ଅପେକ୍ଷା, ଜନ ସାଧାରଣ ସହଜରେ ଏହି ଭାରସ ଦ୍ୱାରା ସଂକ୍ରମିତ ହେଉଥିବା ଦେଖାଯାଇଛି। ଏହିପରି ସମ୍ଭାବନାଗୁଡିକ ବିଶ୍ୱ ପାଇଁ ଅତ୍ୟନ୍ତ ଚିନ୍ତାର ବିଷୟ ହୋଇପଡିଛି।