କରୋନା ଲକ୍ଡାଉନ ସକାଶେ ବନ୍ଦ ରହିଥିଲା ଶାହିଦ୍ କପୁରଙ୍କ ଫିଲ୍ମ ‘ଜର୍ସି’ର ସୁଟିଂ। ବର୍ତ୍ତମାନ ଏହି ଫିଲ୍ମର ସୁଟିଂ ପୁଣି ଆରମ୍ଭ ହୋଇସାରିଛି। ଏ ନେଇ ଶାହିଦ୍ ନିଜର ଇନ୍ଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ସେ କ୍ରିକେଟ୍ ମଇଦାନରେ ନଜର ଆସିଛନ୍ତି। ଶାହିଦ୍ ଅଭ୍ୟାସ ପାଇଁ କ୍ରିକେଟ ମଇଦାନକୁ ଯାଉଥିବା ଫଟୋରେ ଦେଖିବାକୁ ମିଳିଛି। ଫଟୋରେ ଶାହିଦ୍ ଲମ୍ବା ଚୁଟି ଓ ଦାଢ଼ିରେ ନଜର ଆସିଛନ୍ତି। ସେ ଏକ କଳା ଚଷମା ମଧ୍ୟ ପିନ୍ଧିଥିବା ଦେଖାଯାଇଛି। ଶାହିଦ୍ ଆଉ ଏକ ଫଟୋ ମଧ୍ୟ ଶେୟାର କରିଛନ୍ତି। ଏହି ଫଟୋରେ ସେ ବାଇକରେ ବସି ପୋଜ ଦେଇଛନ୍ତି। ଏହି ଫଟୋ ବର୍ତ୍ତମାନ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।