ବଲିଉଡ୍ର ବାଦଶାହ ଶାହାରୁଖ ଖାନ ଏବଂ ତାଙ୍କ ସ୍ତ୍ରୀ ଗୌରୀ ଖାନଙ୍କ ଇଣ୍ଡଷ୍ଟ୍ରିର ସବୁଠାରୁ ସୁନ୍ଦର ଦମ୍ପତି ବୋଲି ବିବେଚନା କରାଯାଏ। ଶାହାରୁଖ ଏବଂ ଗୌରୀଙ୍କ ବିବାହ ଏକ ଚଳଚ୍ଚିତ୍ର କାହାଣୀଠାରୁ କମ ନୁହେଁ । ଉଭୟ ଅନେକ ଅସୁବିଧା ସମୟରେ ପରସ୍ପରର ହାତ କେବେ ଛାଡନ୍ତି ନାହିଁ। ଏକ ସମୟ ଥିଲା ଯେତେବେଳେ ଗୌରୀଙ୍କୁ ହନିମୁନ୍ରେ ନେବା ପାଇଁ ଶାହରୁଖଙ୍କ ପାଖରେ ପର୍ଯ୍ୟାପ୍ତ ଅର୍ଥ ନ ଥିଲା। ଏଥିପାଇଁ ସେ ସ୍ତ୍ରୀଙ୍କୁ ଏକ ମିଥ୍ୟାର ସାହାରା ନେଇଥିଲେ। ବିବାହ ପରେ ଶାହାରୁଖ ଗୌରୀଙ୍କୁ ମୁମ୍ବାଇ ଆଣିଥିଲେ। ତେବେ ଗୋଟିଏ ପରେ ଗୋଟିଏ ଚଳଚ୍ଚିତ୍ର ଶଟିଂରେ ବ୍ୟସ୍ତ ଥିବା ଶାହାରୁଖ ସ୍ତ୍ରୀଙ୍କୁ ହନିମୁନ୍ରେ ନେବାକୁ ସୁଯୋଗ ପାଇପାରି ନ ଥିଲେ। ଶାହାରୁଖ ବିବାହ ଠିକ୍ ପରେ ପରେ ‘ରାଜୁ ବନ ଗୟା ଜେଣ୍ଟେଲମ୍ୟାନ୍’ର ଶୁଟିଂ କରୁଥିଲେ। ଏତେ ବ୍ୟସ୍ତ ରହିବା ପରେ ମଧ୍ୟ ଶାହାରୁଖ ଗୌରୀଙ୍କୁ ପ୍ରତିଶ୍ରୁତି ଦେଇଥିଲେ ଯେ ସେ ତାଙ୍କୁ ହନିମୁନରେ ପ୍ୟାରିସକୁ ନେଇଯିବେ। କିନ୍ତୁ, ସେହି ସମୟରେ ସ୍ତ୍ରୀଙ୍କୁ ପ୍ୟାରିସକୁ ନେବା ପାଇଁ ଶାହାରୁଖ ଖାନଙ୍କ ପାଖରେ ଟଙ୍କା ନଥିଲା। ତେଣୁ ସେ ଗୌରୀଙ୍କୁ ପ୍ୟାରିସ କହି ଦାର୍ଜିଲିଂ ନେଇଯାଇଥିଲେ। ସେଠାରେ ତାଙ୍କର ଚଳଚ୍ଚିତ୍ର ‘ରାଜୁ ବନ ଗୟା ଜେଣ୍ଟେଲମ୍ୟାନ୍’ର ଏକ ଗୀତର ଶୁଟିଂ ହେଉଥିଲା। ଗୌରୀ ସେ ପର୍ଯ୍ୟନ୍ତ କୌଣସି ବିଦେଶ ଗସ୍ତରେ ଯାଇ ନଥିଲେ ତେଣୁ ସେ ବହୁତ କିଛି ଜାଣି ନ ଥିଲେ। ତେଣୁ ଶାହରୁଖ ତାଙ୍କୁ ପ୍ୟାରିସ ଡାକି ଦାର୍ଜିଲିଂକୁ ନେଇଯାଇଥିଲେ। ସେଠାରେ ଉଭୟ ହନିମୁନ ପାଳନ କରିଥିଲେ। ୧୯୯୧ରେ ଶାହାରୁଖ ଏବଂ ଗୌରୀ ବିବାହ କରିଥିଲେ। ଦିଲ୍ଲୀରେ ବିବାହ କରିବା ପରେ ଶାହାରୁଖ ଖାନ ଗୌରୀଙ୍କୁ ମୁମ୍ବାଇ ନେଇ ଆସିଥିଲେ।