କେଶ ବୃଦ୍ଧି କରିବାକୁ ଚାହୁଁଥିଲେ ନଡ଼ିଆ ତେଲକୁ ଉଷୁମ କରି କେଶ ମୂଳରେ ମାଲିସ କରନ୍ତୁ। ଏହା ସହିତ ଗରମ ପାଣିରେ ଟାୱେଲ ଭିଜାଇ କେଶରେ ଅତିକମ୍ରେ ୫ ମିନିଟ୍ ପର୍ଯ୍ୟନ୍ତ ବାମ୍ଫ ଦିଅନ୍ତୁ।
ଏକ ଅଣ୍ଡା ସହିତ ୨ ଟେବୁଲ ଚାମଚ ରାଶି ମିଶାଇ ଭଲଭାବେ ଗୋଳାଇ କେଶ ମୂଳରେ ଲଗାଇ ଦିଅନ୍ତୁ। ଏହା ପରେ ଗରମ ପାଣିରେ ଭିଜାଇ ଏକ ଟାୱେଲ ମୁଣ୍ଡରେ ଗୁଡ଼ାଇ ରଖନ୍ତୁ। ଏପରି କରିବା ଫଳରେ କେଶ ଝଡ଼ିବା କମ୍ ହୋଇଯିବ।
କେଶ ମୂଳରେ ପିଆଜ ରସ ଲଗାଇଲେ ସେଥିରେ ଥିବା ସଲଫର କେଶକୁ ମୂଳରୁ ମଜଭୁତ କରିଥାଏ। ତେଣୁ କେଶ ଝଡ଼ିବା କମ୍ ହୋଇଥାଏ।
କଦଳୀର ପ୍ୟାକ୍ ତିଆରି କରି ଏହାକୁ କେଶ ମୂଳରେ ଲଗାନ୍ତୁ। କଦଳୀରେ ଭିଟାମିନ୍ ବି, ଭିଟାମିନ୍ ସି ଏବଂ ପୋଟାସିୟମ ଥିବାରୁ ଏହା କେଶକୁ ମୁଲାୟମ କରିଥାଏ।
ପାଚିଲା କଦଳୀରେ ଗୋଟିଏ ଅଣ୍ଡାର ଧଳା ଅଂଶ ଏବଂ ଏକ ଚାମଚ ଲେମ୍ବୁ ରସ ମିଶାଇ ଲଗାଇଲେ କେଶ ଝଡ଼ିବା କମ୍ ହୋଇଥାଏ।
ଏକ କପ୍ ନଡ଼ିଆ କ୍ଷୀର ସହିତ ଭୁର୍ସଙ୍ଗ ପତ୍ର ଗୁଣ୍ଡ, ଦୁଇ ବଡ଼ ଚାମଚ ଅରେଞ୍ଜ ଜୁସ୍ ମିଶାଇ ପେଷ୍ଟ ତିଆରି କରି କେଶ ମୂଳରେ ଲଗାନ୍ତୁ। ଏହି ପେଷ୍ଟକୁ ଏକ ଘଣ୍ଟା ପର୍ଯ୍ୟନ୍ତ ରଖି ମୁଣ୍ଡ ଧୋଇ ଦିଅନ୍ତୁ।
ନଡ଼ିଆ ତେଲରେ ଭୁର୍ସଙ୍ଗ ପତ୍ରକୁ ଫୁଟାଇ ତେଲକୁ ଥଣ୍ଡା କରି କେଶରେ ଲଗାନ୍ତୁ। ଘଣ୍ଟାଏ ପରେ କେଶ ସାମ୍ପୁ କରି ଦିଅନ୍ତୁ। ସପ୍ତାହକୁ ତିନି ଥର ଏପରି କରନ୍ତୁ କେଶ ସୁନ୍ଦର ହୋଇଯିବ।
ସାମ୍ପୁ କରିବାର ୨୦ ମିନିଟ୍ ପୂର୍ବରୁ କେଶ ମୂଳରେ ଅଣ୍ଡା ଲଗାନ୍ତୁ। ଏପରି କରିବା ଫଳରେ କେଶ ମୁଲାୟମ ହେବା ସହିତ ଚମକ ବି ବଢ଼ିଥାଏ।
