ରାଜକନିକା,୧୦ା୫(ସଞ୍ଜୟ କୁମାର ଦାଶ): କେନ୍ଦ୍ରାପଡ଼ା ଜିଲା ରାଜକନିକା ବ୍ଲକ ଜୟନଗର ପଞ୍ଚାୟତ ବଜରପୁରର ସୁରେଶ ଚନ୍ଦ୍ର ନାୟକଙ୍କ ସ୍ତ୍ରୀ ସଂଯୁକ୍ତା ନାୟକ କର୍କଟ ପୀଡ଼ିତାଙ୍କ ଉଦ୍ଦେଶ୍ୟରେ ତାଙ୍କର ୨୫ ଇଞ୍ଚର କେଶ ଦାନ କରିଛନ୍ତି। ସେ ଜଣେ ଗୃହିଣୀ। ସେ ତାଙ୍କ ବାନ୍ଧବୀ ଦୀପାଲି ଭୋଳଙ୍କର ୧୪ ବର୍ଷର କନ୍ୟା ଆଶ୍ରୀୟା କର୍କଟ ପୀଡିତା। ତାଙ୍କ ଉଦ୍ଦେଶ୍ୟରେ ଏହି କେଶଦାନ କରିଛନ୍ତି। କୁନି ଝିଅର ପ୍ରେରଣା ପାଇଁ ସେ କେଶ ଦାନ କରିଥିବା କହିଛନ୍ତି। ସମସ୍ତ ମହିଳାଙ୍କ ପରି ସଂଯୁକ୍ତା ମଧ୍ୟ କେଶ ରଖିବାକୁ ଭଲ ପାଆନ୍ତି। ସାହାଯ୍ୟ କରିବାକୁ ହୃଦୟଙ୍ଗମ କରି ତାଙ୍କର ଏପରି ଛୋଟ ସହାୟତା ବା ଉପହାର କାହା ମୁହଁରେ ହସ ଫୁଟାଇ ପାରିବ। ଉଦାର ହୃଦୟରେ ଖୋଲା ମନରେ ସ୍ବଇଚ୍ଛାରେ କେଶଦାନ କରିବା ପାଇଁ ନିଷ୍ପତ୍ତି ନେଇ ୨୫ ଇଞ୍ଚର କେଶଦାନ କରିଛନ୍ତି। ସୂଚନାଯୋଗ୍ୟ, ଭୁବନେଶ୍ୱରସ୍ଥିତ ସୋପାଭା ଟ୍ରଷ୍ଟ ପକ୍ଷରୁ କେଶ ଥିଲେ ଦିଅନ୍ତୁ ଓ କେଶ ନ ଥିଲେ କେଶୀ (ଡବ୍ଲୁଆଇଜି) ନିଅନ୍ତୁ ଅଭିଯାନ ସେ ଆରମ୍ଭ କରିଛନ୍ତି। ଦୁଇବର୍ଷ ମଧ୍ୟରେ ୨୫ ଜଣ କ୍ୟାନ୍ସର ପୀଡ଼ିତାଙ୍କୁ କେଶୀ ଉପହାର ଦେବା ସହିତ ୧୫୦ ଜଣ କ୍ୟାନ୍ସର ପୀଡ଼ିତାଙ୍କ ଉଦ୍ଦେଶ୍ୟରେ କେଶ ଦାନ କରିବା ସହ ୫ଟି ବିୟୁଟି ପାର୍ଲରର ଭଉଣୀମାନେ ୭୦ଟି ୧୨ଇଞ୍ଚରୁ ଅଧିକ କେଶ ଟ୍ରଷ୍ଟକୁ ପ୍ରଦାନ କରିଛନ୍ତି। ଏହି କେଶରୁ କେଶୀ ତିଆରି କରଯାଉଛି। ଜଣେ କେଶ ଦାତ୍ରୀଙ୍କ କେଶ ୩୦ରୁ ୪୦ ଗ୍ରାମ ହୋଇଥାଏ। ସେହିପରି ୩ଶହ ଗ୍ରାମରୁ ଅଧିକ କେଶରେ ଗୋଟିଏ କେଶୀ (ଡବ୍ଲୁଆଇଜି) ତିଆରି କରାଯାଇଥାଏ।