ସୋସିଆଲ ମିଡିଆରେ ଏକ ସେଲୁନର ଭିଡିଓ ଏବେ ଭାଇରାଲ ହେବାରେ ଲାଗିଛି। ଏହାକୁ ଦେଖିବା ପରେ ଯେ କେହିବି ହସି ହସି ଗଡ଼ିଯିବେ। ପ୍ରାୟତଃ, ସେଲୁନରେ କେଶ କାଟିବା ସମୟରେ ବାରିକ ସବୁବେଳେ ଗୀତ ଲଗାଇଥାନ୍ତି। ହେଲେ ଏବେ ବାରିକ ଜଣଙ୍କ ଏମିତି ଏକ ଗୀତ ଲାଗିଥିଲେ ଯେ, ଯାହାକୁ ଶୁଣିବା ପରେ ଗ୍ରାହକ ଜଣଙ୍କ କାନ୍ଦି କାନ୍ଦି ବେହାଲ ହୋଇପଡ଼ିଲେ। କେଶ କାଟିବା ପରିବର୍ତ୍ତେ ସେ ଟେବୁଲ ଉପରେ ମୁଣ୍ଡ ଥୋଇ କାନ୍ଦିବାକୁ ଲାଗିଲେ। ସୋସିଆଲ ମିଡିଆର ୟୁଜରମାନେ ଏହି ମଜାଳିଆ ଭିଡିଓକୁ ବହୁତ ପସନ୍ଦ କରୁଛନ୍ତି।
ଭିଡିଓରେ ଦେଖିବାକୁ ମିଳୁଛି ଯେ, ବାରିକ କେଶ କାଟିଛନ୍ତି, ପଛରୁ ଫିଲ୍ମ ‘ ହମ୍ ତୁମ୍ହାରେ ହୈଁ ସନମ୍’ ଫିଲ୍ମର ଲୋକପ୍ରିୟ ଗୀତ ‘ସବ୍ କୁଛ୍ ଭୁଲାଦିଆ’ ଲଗାଇଦେଲେ। ଏହି ଗୀତ ଶୁଣିବା ମାତ୍ରେ ଗ୍ରାହକଜଣଙ୍କ କେଶ କାଟିବା ପରିବର୍ତ୍ତେ ଭୋ ଭୋ ହୋଇ କାନ୍ଦିବାକୁ ଲାଗିଲେ। ଗ୍ରାହକଙ୍କୁ ଏପରି ଅବସ୍ଥାରେ ଦେଖି ବାରିକ ହସି ହସି ଗଡ଼ିଗଲେ। ଏହି ଭିଡିଓକୁ ଫେସ୍ବୁକ୍ ସହ ଟୁଇଟର ଏବଂ ଇନ୍ଷ୍ଟାଗ୍ରାମ୍ରେ ମଧ୍ୟ ଶେୟାର କରାଯାଇଛି। ଫେସ୍ବୁକ୍ ପେଜ୍ରେ ଏହି ଭିଡିଓକୁ ଶେୟାର କରାଯାଇ କ୍ୟାପଶନରେ ଲେଖାଯାଇଛି, ଦୟାକରି ଏପରି ଗୀତ ବଜାନ୍ତୁ ନାହିଁ।