ପଶୁମାନଙ୍କ ମଧ୍ୟରେ ମାଙ୍କଡ଼ର କାର୍ଯ୍ୟ ମଣିଷମାନଙ୍କ କାର୍ଯ୍ୟ ସହିତ ସମାନ ହୋଇଥାଏ। ଯେତେବେଳେ ସେମାନଙ୍କର ମଜାଳିଆ କାର୍ଯ୍ୟକଳାପ ସହିତ ଜଡ଼ିତ ଭିଡିଓ ସୋସିଆଲ ମିଡିଆରେ ଭାଇରାଲ ହୁଏ, ଲୋକେ ହସି ହସି ଗଡ଼ନ୍ତି। ଏବେ ସେମିତି ଏକ ଭିଡିଓ ଲୋକଙ୍କ ମନୋରଞ୍ଜନ କରୁଛି।
ଭାଇରାଲ ଭିଡିଓରେ ଟୋପି ପିନ୍ଧିଥିବା ଜଣେ ଯୁବକଙ୍କୁ ଦେଖିପାରିବେ, ତାଙ୍କ ପାଖରେ ଏକ ମାଙ୍କଡ଼ ବସିଥିବା ନଜର ଆସିଛି। ଭିଡିଓରେ ମାଙ୍କଡ଼ଟି ଏହି ଯୁବକଙ୍କ ପିଠି ଥାପୁଡାଉଛି। ହଠାତ୍ ଯୁବକ ଜଣକ ତାଙ୍କ ମୁଣ୍ଡରୁ ଟୋପି ଖୋଲି ଦେଉଛନ୍ତି। ଏହା ପରେ ତାଙ୍କର ଅଜବ ହେୟାର ଷ୍ଟାଇଲ୍ ଦେଖି ମାଙ୍କଡ଼ର ମୁଣ୍ଡ ବୁଲାଇ ଦେଉଛି। ଭୟରେ ସେ ଗୋଟିଏ ପାର୍ଶ୍ୱରେ ପଡ଼ିଯାଉଛି। ଏହା ଦେଖି ଦର୍ଶକମାନେ ହସିହସି ଗଡୁଛନ୍ତି।
ଏହି ଭିଡିଓଟି @buitengebieden ନାମକ ଏକ ଟୁଇଟର ପେଜ୍ରେ ଶେୟାର କରାଯାଇଛି। ଏଥିରେ କ୍ୟାପଶନ ଲେଖାଅଛି, ଯଦି ଆପଣଙ୍କୁ ହସିବାକୁ ଅଛି ତେବେ ଏହି ଭିଡିଓ ଦେଖନ୍ତୁ। ଏହି ଭିଡିଓକୁ ବର୍ତ୍ତମାନ ସୁଦ୍ଧା ୭୦ ଲକ୍ଷରୁ ଅଧିକ ଥର ଦେଖାସରିଲାଣି। ଏଥି ସହିତ ୨ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି।