ହମବର୍ଗ,୧୦ ।୩: ଜର୍ମାନୀର ହମବର୍ଗ ସହରରେ ଫୁଟିଛି ଗୁଳି । ଏହି ଘଟଣାରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ଜଣାପଡିଛି । ଘଟଣା ସ୍ଥଳରେ ପୋଲିସ ପକ୍ଷରୁ ବଡ ଧରଣର ଅଭିଯାନ ଚାଲିଛି । ହମବର୍ଗ ପୋଲିସ ଟୁଇଟ କରି ଜଣାଇଛି କି ଏବେ ଘଟଣାର ଯାଞ୍ଚ ଚାଲିଛି । ପରେ ଅନ୍ୟ ଜଣଙ୍କର ମୃତ୍ୟୁ ହେବାରୁ ଏଥିରେ ୭ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଅନେକେ ଗୁରୁତର ଥିବାରୁ ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ପୋଲିସ ଟୁଇଟ କରି କହିଛି ଅଲଷ୍ଟଡାର୍ପ ଅଞ୍ଚଳରେ ଥିବା ୱିଟରନେସ ଚର୍ଚ୍ଚରେ ଏହି ଗୁଳିକାଣ୍ଡ ହୋଇଛି । ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି ।
ପୋଲିସ ଟୁଇଟ କରି କହିଛି ପ୍ରାରମ୍ଭିକ ଯାଞ୍ଚରୁ ଜଣାପଡିଛି ଗ୍ରାଁସ ବୋରଷ୍ଟେଲ ଜିଲାରେ ଡେଲବୋଗୋ ଷ୍ଟ୍ରିଟରେ ୱିଟନେସ ଚର୍ଚ୍ଚରେ ଏହି ଗୁଳିକାଣ୍ଡ ହୋଇଛି । ଅନେକେ ଗୁରୁତର ଆହତ ହୋଇଥିବା ବେଳେ କେତେଜଣଙ୍କର ମୃତ୍ୟୁ ହୋଇଛି । ବହୁ ସଂଖ୍ୟାରେ ସୁରକ୍ଷାକର୍ମୀ ସେଠାରେ ମୁତୟନ କରାଯାଇଛି । ମିଡିଆ ରିପୋର୍ଟ ଅନୁଯାୟୀ, ଅପରେଶନ ମଧ୍ୟରେ ଆଖପାଖର ବାସିନ୍ଦାଙ୍କୁ ଘରୁ ନ ବାହାରିବାକୁ ଚେତାବନୀ ଦିଆଯାଇଛି ।
ତେବେ ଆକ୍ରମଣକାରୀଙ୍କ ମୃତ୍ୟୁ ହୋଇଛି କି ସେ ଫେରାର ଅଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଜଣେ ପ୍ରତ୍ୟେକ୍ଷଦର୍ଶି କହିଛନ୍ତି ଆକ୍ରମଣକାରୀ ଲଗାତାର ୧୨ ରାଉଣ୍ଡ ଗୁଳି କରିଛନ୍ତି ।