ନୂଆଦିଲ୍ଲୀ,୧୮।୫: ଦିଲ୍ଲୀର ୭ଟି ଲୋକ ସଭା ଆସନ ପାଇଁ ଭୋଟ ଆସନ୍ତା ୨୫ରେ ଅନୁଷ୍ଠିତ ହେବ। ଏଥିରେ ସାଧାରଣ ଲୋକଙ୍କ ଅଂଶଗ୍ରହଣ ବୃଦ୍ଧି ପାଇଁ ନିର୍ବାଚନ ଆୟୋଗ ନିରନ୍ତର ଉଦ୍ୟମ କରୁଛି। ଏହି ସମୟରେ ଦେଶର ବହୁ ବରିଷ୍ଠ ନେତା ନିଜ ଘରୁ ଭୋଟ ଦେଇଥିଲେ। ନିର୍ବାଚନ ଆୟୋଗ ଏହି ସୂଚନା ଦେଇଛନ୍ତି।
ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି ଯେ ପୂର୍ବତନ ଉପରାଷ୍ଟ୍ରପତି ମହମ୍ମଦ ହମିଦ ଅନସାରୀ, ପୂର୍ବତନ ପ୍ରଧାନମନ୍ତ୍ରୀ ଡଃ ମନମୋହନ ସିଂ ଏବଂ ପୂର୍ବତନ କେନ୍ଦ୍ର ମନ୍ତ୍ରୀ ଡ. ମୁରଲି ମନୋହର ଯୋଶୀ ନୂଆଦିଲ୍ଲୀ ସଂସଦୀୟ ନିର୍ବାଚନମଣ୍ଡଳୀରୁ ଗୃହ ଭୋଟ ସୁବିଧା ପାଇଛନ୍ତି।
ଦିଲ୍ଲୀରେ ୭ ଟି ଲୋକ ସଭା ଆସନ ଅଛି। ଏଥର ଏଏପି ଏବଂ କଂଗ୍ରେସ ମଧ୍ୟରେ ଏକ ମେଣ୍ଟ ହୋଇଛି। ଏହା ଅଧୀନରେ ଏଏପି ୪ ଟି ଆସନ ଏବଂ କଂଗ୍ରେସ ୩ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଛି। କଂଗ୍ରେସ ପକ୍ଷରୁ ଚାନ୍ଦନୀ ଚୌକର ଜେପି ଅଗ୍ରୱାଲ, ଉତ୍ତର-ପୂର୍ବ ଦିଲ୍ଲୀର କାନହାଇ କୁମାର ଏବଂ ଉତ୍ତର-ପଶ୍ଚିମ ଦିଲ୍ଲୀର ଉଦିତ ରାଜ ନିଜ ଭାଗ୍ୟ ପରୀକ୍ଷା କରୁଛନ୍ତି। ଆସନ୍ତା ୨୫ରେ ଦିଲ୍ଲୀର ଷଷ୍ଠ ପର୍ଯ୍ୟାୟରେ ମତଦାନ ହେବ।
