ବୁଦାପେଷ୍ଟ, ୧୯ା୭ (ଏପି)-ମର୍ସିଡିଜ୍ର ଲୁଇସ୍ ହାମିଲଟନ ତାଙ୍କ ଟିମ୍ମେଟ୍ ଭାଲଟେରି ବୋଟାସଙ୍କୁ ପଛରେ ପକାଇ ହଙ୍ଗେରିଆନ ଫର୍ମୁଲା ଓ୍ବାନ ଗ୍ରାଁ ପ୍ରି ପୋଲ୍ ପୋଜିଶନ ହାସଲ କରିଛନ୍ତି। ଚଳିତ ସିଜନରେ ଏହାଥିଲା ହାମିଲଟନଙ୍କ କ୍ରମାଗତ ଦ୍ୱିତୀୟ ପୋଲ ପୋଜିଶନ। ଫର୍ମୁଲା ଓ୍ବାନ କ୍ୟାରିୟରରେ ତାଙ୍କ ପୋଲ ପୋଜିଶନ ରେକର୍ଡ ୯୦କୁ ବୃଦ୍ଧି ପାଇଛି। ହାମିଲଟନ କହିଛନ୍ତି, ରେସ୍ରେ ବୋଟାସ ତାଙ୍କୁ କଡ଼ା ଟକ୍କର ଦେଇଥିଲେ ଏବଂ ଚାପ ସୃଷ୍ଟି କରିଥିଲେ। ହଙ୍ଗାରୋରିଙ୍ଗ୍ ସର୍କିଟରେ ହାମିଲଟନ ୭ଥର ବିଜୟ ହାସଲ କରିସାରିଛନ୍ତି। ଫର୍ମୁଲା ଓ୍ବାନ କିମ୍ବଦନ୍ତୀ ମାଇକେଲ ସୁମାକରଙ୍କ ସିଙ୍ଗଲ ଟ୍ରାକ୍ ରେକର୍ଡ (୮ ବିଜୟ) ସମକକ୍ଷ ହେବାଲାଗି ତାଙ୍କୁ ଏଠାରେ ଆଉ ଏକ ମାତ୍ର ଟାଇଟଲ ଆବଶ୍ୟକ। ସୁମାକର ମ୍ୟାଗ୍ନି-କୋର୍ସଠାରେ ଯେତେବେଳ ଫ୍ରେଞ୍ଚ୍ ଗ୍ରାଁ ପ୍ରି ଅନୁଷ୍ଠିତ ହେଉଥିଲା ସେଠାରେ ୮ ବିଜୟ ସହ ରେକର୍ଡର ଅଧିକାରୀ ହୋଇଥିଲେ। ଏଠାରେ ଶନିବାର ଅନୁଷ୍ଠିତ କ୍ୱାଲିଫାଇଙ୍ଗ ରେସ୍ରେ ଯଥାକ୍ରମେ ବୋଟାସଙ୍କଠାରୁ .୧୦୭ ଏବଂ ରେସିଂ ପଏଣ୍ଟ ଡ୍ରାଇଭର ଲାନ୍ସ ଷ୍ଟ୍ରୋଲ୍ଙ୍କଠାରୁ .୯୩ ଦ୍ରୁତତମ ଥିଲେ।