ମୁଜାଫରନଗର, ୩।୧୦: ଉତ୍ତରାଖଣ୍ଡର ମନ୍ତ୍ରୀ ରାଜେନ୍ଦ୍ର ଅନ୍ଥଓ୍ବାଲ ମୁଜାଫରନଗରରେ ଏକ ଦାୟିତ୍ୱହୀନ ମନ୍ତବ୍ୟ ଦେଇ ଚର୍ଚ୍ଚକୁ ଆସିଛନ୍ତି। ହାଥରସ୍ ଓ ବଳାରାମପୁର ଘଟଣାରେ ଅପରାଧୀଙ୍କ ହାତ-ପାଦ କାଟି ଛକରେ ଛାଡ଼ି ଦିଆଯିବା ଉଚିତ୍ ବୋଲି ରାଜେନ୍ଦ୍ର କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ଯେଉଁମାନେ ବଳାତ୍କାର କରନ୍ତି ସେମାନେ ଦରିଦ୍ର ଅଟନ୍ତି। ଏହା ସେମାନଙ୍କ ଲାଗି ଏକମାତ୍ର ଦଣ୍ଡ ହୋଇପାରେ।
ଅନୁଯାୟୀ, ଗୋଟିଏ ବ୍ୟକ୍ତିଗତ କାର୍ଯ୍ୟକ୍ରମରେ ଯୋଗ ଦେଇସାରିବା ପରେ ଭାଜପାର ଏହି ମନ୍ତ୍ରୀ ଗଣମାଧ୍ୟମକୁ ଦେଇଥିବା ଏକ ବିବୃତି ଅବସରରେ ଏଭଳି ଦାୟିତ୍ୱହୀନ ମନ୍ତବ୍ୟ ଦେଇଥିଲେ। ଯେଉଁମାନେ ଏହିଭଳି ଗଣବଳାତ୍କାର କରନ୍ତି ସେମାନଙ୍କ ଲାଗି କେବଳ ଗୋଟିଏ ଦଣ୍ଡ ରହିଛି। ସେମାନଙ୍କ ହାତ-ପାଦ କାଟି ଛକରେ ଛାଡ଼ି ଦିଆଯିବା ଉଚିତ୍। ଆମେ ସମସ୍ତେ ସମାଜର ଲୋକ। କୋର୍ଟ ଉପରେ ଆମର ବିଶ୍ୱାସ ରହିଛି। ଏହି ମାମଲାଗୁଡ଼ିକରେ କୋର୍ଟରେ ଏପରି ବ୍ୟବସ୍ଥା କରିବା ଉଚିତ୍, ଯେଉଁମାନେ ଏପରି କାର୍ଯ୍ୟ କରନ୍ତି ସେମାନଙ୍କୁ ସର୍ବନିମ୍ନ ମୃତ୍ୟୁଦଣ୍ଡ ସହ ଦଣ୍ଡ ମିଳିବା ଉଚିତ୍। କୋର୍ଟରେ ଏହି ମାମଲାର ଶୀଘ୍ର ଶୁଣାଣି କରାଯିବା ଉଚିତ୍। ବେଳେବେଳେ ଶୁଣାଣିରେ ବହୁଦିନ ଲାଗିଯାଇଥାଏ। ଯାହାଫଳରେ ନ୍ୟାୟ ପ୍ରଦାନରେ ବିଳମ୍ବିତ ହୋଇଥାଏ ବୋଲି ରାଜେନ୍ଦ୍ର କହିଛନ୍ତି।
