ଚେନ୍ନାଇ,୧୧।୩: ୧୯ ବର୍ଷରୁ କମ୍ ବିଶ୍ୱକପ୍ ଚାମ୍ପିୟନ ଭାରତୀୟ ଦଳର ସଦସ୍ୟ ରାଜବର୍ଦ୍ଧନ ହାଙ୍ଗାରଗେକର ସୁରଟଠାରେ ଚାଲିଥିବା ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)ର ଟ୍ରେନିଂରେ ଯୋଗ ଦେଇଛନ୍ତି। ଟ୍ରେନିଂ ବେଳେ ଯୁବ ଅଲରାଉଣ୍ଡରଙ୍କୁ କିଛି ବ୍ୟାଟିଂ ଟିପ୍ସ ଦେଇଥିଲେ ମହେନ୍ଦ୍ର ସିଂ ଧୋନୀ। ତା’ ପରେ ୧୯ ବର୍ଷୀୟ ହାଙ୍ଗାରଗେକର ଷ୍ଟେପ୍ ଆଉଟ୍ କରି ଛକା ଲଗାଇଥିଲା। ଏହାର ଭିଡିଓ ଆଇପିଏଲ ଚାମ୍ପିୟନ ସିଏସ୍କେ ପକ୍ଷରୁ କୁହାଯାଇଛି।
ଭିଡିଓରେ ହାଙ୍ଗାରଗେକରଙ୍କୁ ଉଭୟ ବୋଲିଂ ଓ ବ୍ୟାଟିଂ ପ୍ରାକ୍ଟିସ କରୁଥିବା ଦେଖିବାକୁ ମିଳୁଛି। ଏହି ଡାହାଣହାତୀ ଅଲରାଉଣ୍ଡର ବ୍ୟାଟିଂ କରୁଥିବା ବେଳେ ତାଙ୍କ ପାଖକୁ ଆସି କିଛି ଟିପ୍ସ ଦେଇଥିଲେ ପୂର୍ବତନ ଭାରତୀୟ ଅଧିନାୟକ। ତା’ ପରେ ସେ କିଛି ବଡ଼ ଛକା ଲଗାଇ ବଲକୁ ସୀମା ପାର ପଠାଇବାର ଦକ୍ଷତା ପ୍ରଦର୍ଶିତ କରିଥିଲେ। ଉଲ୍ଲେଖଯୋଗ୍ୟ, ୧୯ ବର୍ଷରୁ କମ୍ ଭାରତୀୟ ଦଳର ଷ୍ଟାର ଅଲରାଉଣ୍ଡରଙ୍କୁ ଚେନ୍ନାଇ ୧.୫ କୋଟି ଟଙ୍କାରେ ଚେନ୍ନାଇ କିଣିଥିଲା।