ଏକ ବିଶ୍ୱ ରେକର୍ଡ ସୃଷ୍ଟି କରିବାକୁ କଠିନ ପରିଶ୍ରମ, ଦୃଢ଼ ମନୋବଳ ଏବଂ ଦୀର୍ଘ ଅଭ୍ୟାସ ଦରକାର। ସେତେବେଳେ ଜଣେ ବ୍ୟକ୍ତି ସଫଳତାର ଶୀର୍ଷରେ ପହଞ୍ଚିପାରିବ। ସବୁକିଛି ଭୁଲି ଜଣେ ନିଜ ଲକ୍ଷ୍ୟ ଉପରେ ଧ୍ୟାନ ଦେବାକୁ ପଡ଼ିବ। ଏଥିପାଇଁ ବୟସ ବାଧା ଦେବ ନାହିଁ। ଦୁଇ ୟୁଟ୍ୟୁବର ଯାହା କରିଛନ୍ତି, ଜାଣିଲେ ଆଶ୍ଚର୍ଯ୍ୟ ହେବେ।
ନେଦରଲ୍ୟାଣ୍ଡର ଦୁଇ ୟୁଟ୍ୟୁବର ଷ୍ଟାନ ବ୍ରୁଇଙ୍କ ଏବଂ ଆର୍ଜେନ ଆଲବର୍ସ ହେଲିକପ୍ଟରରେ ଝୁଲି ଅଧିକ ଥର ପୁଶ୍-ଅପ୍ କରି ଗିନିଜ ଓ୍ବାଲର୍ଡ ରେକର୍ଡ ଭାଙ୍ଗିଛନ୍ତି। ତାଙ୍କ ଫିଟନେସ୍ର ଏକ ଜବରଦସ୍ତ ଉଦାହରଣ ସୃଷ୍ଟି କରିଛନ୍ତି। ୟୁଟ୍ୟୁବ୍ରେ ଉଭୟଙ୍କର ଜଣେ ଲକ୍ଷାଧିକ ପ୍ରଶଂସକ ଅଛନ୍ତି। ୨୦୨୨ ଜୁଲାଇ ୬ରେ ବେଲ୍ଜିୟମର ଆଣ୍ଟଓ୍ବେର୍ପର ହୋଭେନେନ ଏୟାରଫିଲ୍ଡରେ ଏକ ନୂତନ ରେକର୍ଡ କରିଥିଲେ।
ହେଲିକପ୍ଟରରେ ଝୁଲି ୨୪ ପୁଶ୍-ଅପ୍ କରି ଆର୍ଜେନ ଆଲବର୍ସ ଇତିହାସ ସୃଷ୍ଟି କରିଛନ୍ତି। ଏହି ନୂତନ ରେକର୍ଡ ସୃଷ୍ଟି କରିବା ସହିତ ସେ ପୁରାତନ ରେକର୍ଡ ମଧ୍ୟ ଭାଙ୍ଗିଥିଲେ ଯେଉଁଥିରେ ପୁଶ୍-ଅପ୍ ସଂଖ୍ୟା ୨୩ ଥିଲା। ଏହାକୁ ରୋମାନ ସାହରାଦିଆନ କରିଥିଲେ। ଅବଶ୍ୟ ପରେ ଷ୍ଟାନ ବ୍ରୁଇଙ୍କ ପୁଶ୍-ଅପ୍ ଚେଷ୍ଟା କରି ୨୪ ରେକର୍ଡକୁ ଭଙ୍ଗ କରି ୨୫ ପୁଶ୍-ଅପ୍ ମାରିଥିଲେ। ଏପରି ରେକର୍ଡ କରିବା ଏହି ଦୁଇ ୟୁଟ୍ୟୁବର ପ୍ରାୟ ଦୁଇ ସପ୍ତାହ ଧରି ହେଲିକପ୍ଟରରେ ଅଭ୍ୟାସ ଜାରି ରଖିଥିଲେ।