ଗୁଡ଼ି ନାଁ ଶୁଣିଲେ ଲୋକଙ୍କ ପୁରୁଣା ସ୍ମୃତି ସତେଜ ହୋଇଯାଏ। ଗୁଡ଼ି ଉଡ଼ାଇବାର ମଜା ଯିଏ ଜାଣିଛି, ସେ ସାରା ଜୀବନ ମନେ ରଖିଛି। ପ୍ରାୟତଃ ସୋସିଆଲ ମିଡିଆରେ ଗୁଡ଼ି ଉଡ଼ିବାର ଅନେକ ଭିଡିଓ ଭାଇରାଲ ହୋଇଥାଏ। କିନ୍ତୁ ଆପଣ କେବେ ଦେଖିଛନ୍ତି କି, ଜଣେ ବ୍ୟକ୍ତି ଗୁଡ଼ି ସହିତ ଆକାଶରେ ଉଡ଼ିଯିବାର। ଯଦି ନା ତେବେ ନିକଟରେ ଏପରି ଏକ ମାମଲା ସାମ୍ନାକୁ ଆସିଛି, ଯେଉଁଠି ଗୁଡ଼ି ଉଡ଼ାଉଥିବା ବେଳେ ଜଣେ ବ୍ୟକ୍ତି ହଠାତ୍ ଆକାଶକୁ ଉଠି ଯାଇଥିଲେ। ପ୍ରାୟ ୩୦ ମିନିଟ୍ ପର୍ଯ୍ୟନ୍ତ ଆକାଶରେ ଝୁଲି ରହିଥିଲେ।
Dramatic video shows a youth swept into the air with a kite in Jaffna area.
The youth was reportedly suffered minor injuries.pic.twitter.com/W0NKrYnTe6 #Kiteman #Kite #LKA #Jaffna #SriLanka— Sri Lanka Tweet 🇱🇰 💉 (@SriLankaTweet) December 21, 2021
ଏକ ରିପୋର୍ଟ ଅନୁଯାୟୀ, ଏହି ଘଟଣା ଶ୍ରୀଲଙ୍କାର ଜାଫନାରୁ ଆସିଛି। ଯେତେବେଳେ ଏଠାରେ ଏକ ଅଞ୍ଚଳରେ ଗୁଡ଼ି ଉଡ଼ାଇବା ପ୍ରତିଯୋଗିତା ଚାଲିଥିଲା। ସେତେବେଳେ ଏହି ଦୁର୍ଘଟଣା ଘଟିଥିଲା। ଜଣେ ବ୍ୟକ୍ତି, ତାଙ୍କ ଅନ୍ୟ ଦଳ ସହିତ, ଦଉଡ଼ି ଧରି ଏକ ବଡ଼ ଗୁଡ଼ିକୁ ଟସ୍ କରିବାକୁ ଚେଷ୍ଟା କରୁଥିବାବେଳେ ହଠାତ୍ ସେ ୩୦ ଫୁଟ ଉଚ୍ଚ ଆକାଶକୁ ଚାଲିଯାଇଥିଲେ। ଏହା ଦେଖି ତାଙ୍କ ସାଥୀମାନେ ଆଶ୍ଚର୍ଯ୍ୟ ହୋଇଯାଇଥିଲେ। ବାସ୍ତବରେ ଗୁଡ଼ିଟି ଏତେ ଓଜନ ଥିଲା ଯେ ବ୍ୟକ୍ତି ଜଣକ ଆକାଶରେ ଉପରକୁ ଉଠିଯାଇଥିଲେ। ସେ ଦଉଡ଼ି ଧରି ଝୁଲି ରହିଥିଲେ।
ଏହି ବିପଜ୍ଜନକ ଦୃଶ୍ୟ ଦେଖି ତାଙ୍କ ସାଥୀମାନେ ପାଟି କରି କହିଲେ, ଦଉଡ଼ି ଛାଡ଼ି ଦିଅ ନ ହେଲେ ଆହୁରି ଉପରକୁ ଉଠିଯିବ। ଯେତେବେଳେ ଗୁଡ଼ିଟି ତଳକୁ ଖସିଲା ବ୍ୟକ୍ତି ଜଣକ ଦଉଡ଼ି ଛାଡ଼ି ଦେଇ ତଳେ ପଡ଼ିଗଲେ। ଏଥିରେ ସେ ବହୁ ଆଘାତ ପାଇଥିଲେ। ଯାହା ବି ହେଉ ତାଙ୍କ ଜୀବନ ରକ୍ଷା ହୋଇଗଲା।
