ପାଟଣା,୧୪ା୪(ବୀର କିଶୋର ଦାଶ): ମହା ବିଷୁବ ସଂକ୍ରାନ୍ତି, ଶ୍ରୀ ହନୁମାନ ଜୟନ୍ତୀ ଓ ଓଡ଼ିଆ ନବବର୍ଷ ସକାଶେ ସୋମବାର କେନ୍ଦୁଝର ଜିଲା ପାଟଣା ଅଞ୍ଚଳର ହନୁମାନ ମନ୍ଦିରଗୁଡ଼ିକରେ ଭକ୍ତଙ୍କ ସମାଗମ ହୋଇଛି। ପାଟଣା ବ୍ଲକ୍ ସ୍ବାମଛକ ହନୁମାନ ମନ୍ଦିରରେ ନୀତିକାନ୍ତିରେ ହନୁମାନ ଜୟନ୍ତି ପାଳିତ ହୋଇଛି। ପଣ୍ଡିତ ଅଲେଖ ଚନ୍ଦ୍ର ତ୍ରିପାଠୀ ଓ ଜିତେନ୍ଦ୍ର ମିଶ୍ର ହୋମ ଜଜ୍ଞ ଅନୁଷ୍ଠାନ କରିଥିବା ବେଳେ କର୍ତା ଭାବେ ଗୌରୀ ରଞ୍ଜନ ମିଶ୍ର, ଝୁନାରାଣୀ ଶସ୍ତ୍ରୀକ ଦେବ ନୀତି ସମ୍ପାଦନ କରିଛନ୍ତି। ମନ୍ଦିର କମିଟିର ବିରମୋହନ ଦ୍ବିବେଦୀ, ଓମ ପ୍ରକାଶ ପରିଡା, ଅଜୟ କୁମାର ପରିଡା, ଅର୍ଜୁନ ମହାନ୍ତ ଓ କ୍ଷେତ୍ରବାସୀ ମହନ୍ତଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପଥଚାରୀଙ୍କୁ ପଣା ଓ ପ୍ରସାଦ ବଣ୍ଟନ କରାଯାଇଥିଲା। ସେହିଭଳି ମୂଷାଖୋରି ପଞ୍ଚାୟତ ମଲ୍ଲିପଶିସ୍ଥିତ ଦାରା ସିଂ ଛକ ନିକଟରେ ବଜରଙ୍ଗ କମିଟି ତରଫରୁ ସୋମବାର ହନୁମାନ ମନ୍ଦିର ପ୍ରତିଷ୍ଠା ହୋଇଛି। କର୍ତ୍ତାଭାବେ ସସ୍ତ୍ରିକ ପ୍ରଫୁଲ୍ଲ ରଣା ଓ ଜାନକୀ ରଣା ଦେବନୀତି ସମ୍ପାଦନ କରିଥିଲେ। କୁଳମଣି ଷଡ଼ଙ୍ଗୀ ଓ ସହଯୋଗୀ ପୂଜା କରିଥିଲେ।
