କୋଲକାତା,୭।୪: ପଶ୍ଚିମବଙ୍ଗରେ ହନୁମାନ ଜୟନ୍ତୀ ଶାନ୍ତିପୂର୍ଣ୍ଣ ଭାବେ ସମ୍ପର୍ଣ୍ଣ ହୋଇଛି। ତେବେ ରାମ ନବମୀ ମହୋତ୍ସବରେ ଦେଖାଯାଇଥିବା ହିଂସାର ପୁନରାବୃତ୍ତି ନହେବା ପାଇଁ ସୁରକ୍ଷା ବାହିନୀ ପୂରା ରାଜ୍ୟରେ ନଜର ରଖିଥିଲେ। କୋଲକାତା ଉଚ୍ଚ ନ୍ୟାୟାଳୟଙ୍କ ଆଦେଶ ପରେ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀର ତିନୋଟି କମ୍ପାନୀ କୋଲକାତା, ହୁଗଲି ଏବଂ ବାରାକପୁରର କିଛି ଅଂଶରେ ନିୟୋଜିତ ହୋଇ ରାଜ୍ୟ ପୋଲିସକୁ ଆଇନ ଶୃଙ୍ଖଳା ରକ୍ଷା କରିବାରେ ସହାୟତା କରିଥିଲେ। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି, ହନୁମାନ ଜୟନ୍ତୀରେ କିଛି ଅଘଟଣ ଘଟିନାହିଁ। କାର୍ଯ୍ୟକ୍ରମ ଶାନ୍ତିପୂର୍ଣ୍ଣ ଭାବେ ହୋଇଛି।
ହାୱଡା ଏବଂ ହୁଗଲିରେ ରାମ ନବମୀ ପର୍ବ ସମୟରେ ହିଂସା ଓ ଅଗ୍ନିକାଣ୍ଡ ପରେ ଟିଏମସି ଏବଂ ଭାଜପା ମଧ୍ୟରେ ବାକ୍ ଯୁଦ୍ଧ ଆରମ୍ଭ ହୋଇଯାଇଥିଲା। ମମତା ବାନାର୍ଜୀଙ୍କ ନେତୃତ୍ୱରେ ରାଜ୍ୟ ସରକାରଙ୍କ ପ୍ରଶାସନିକ ଦକ୍ଷତା ଉପରେ ଭାଜପା ପ୍ରଶ୍ନ ଉଠାଇଥିଲା। ଅନ୍ୟପକ୍ଷରେ ରାମ ନବମୀ ସମୟରେ ଭାଜପା ନେତାମାନେ ବିଶୃଙ୍ଖଳା ସୃଷ୍ଟି କରିଥିଲେ ବୋଲି ଟିଏମସି ଦାବି କରିଆସୁଥିଲା।
