ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହମ୍ମଦ ଆଜାରୁଦ୍ଦିନ ୫୮ତମ ଜନ୍ମଦିବସ ପାଳନ କରୁଛନ୍ତି। ଭାରତ ପକ୍ଷରୁ ଟେଷ୍ଟ ଏବଂ ଏକଦିବସୀୟ ମ୍ୟାଚ୍ରେ ଅଧିନାୟକ ଦାୟିତ୍ୱ ତୁଲାଇ ଥିବା ଆଜାରୁଦ୍ଦିନ ନିଜ କ୍ୟାରିୟର ଅନେକ ରେକର୍ଡ ହାସଲ କରିଛନ୍ତି। ୧୯୬୦, ଫେବୃୟାରୀ ୮ରେ ସେ ହାଇଦ୍ରାବଦରେ ଜନ୍ମହଣ କରିଥିଲେ। କ୍ରିକେଟ୍ କ୍ୟାରିୟର୍ ଉଚ୍ଚ ଶିଖରରେ ଥିବାବେଳେ ତାଙ୍କ ନାଁରେ ମ୍ୟାଚ୍ ଫିକ୍ସିଂ ଅଭିଯୋଗ ଆସିଥିଲା। ଫଳରେ ତାଙ୍କ କ୍ୟାରିୟର୍ ପତ୍ତନ ଆଡକୁ ଗତି କରିଥିଲେ। ଏହାସତ୍ତ୍ୱେ ସେ କ୍ରିକେଟ୍ କ୍ୟାରିୟରରେ ଏମିତି କିଛି ରେକର୍ଡ ହାସଲ କରିଥିଲେ ଯାହା ଭାଙ୍ଗିବା କଷ୍ଟକର। ସେ ଡେବ୍ୟୁ ମ୍ୟାଚ୍ରେ ଶତକ ହାସଲ କରିଥିବାବେଳେ ଜୀବନର ଶେଷ ମ୍ୟାଚ୍ରେ ମଧ୍ୟ ଶତକ ଅର୍ଜନ କରିଥିଲେ। ଏମିତି ନିଆରା ରେକର୍ଡ ହାସଲ କରିବାରେ ସେ ପ୍ରଥମ ଭାରତୀୟ କ୍ରିକେଟର୍ ହୋଇଥିଲେ। କ୍ୟାରିୟରର ପ୍ରଥମ ଟେଷ୍ଟରେ ୧୯୮୪-୮୫ରେ ଇଂଲଣ୍ଡ ବିପକ୍ଷରେ ୧୧ର ରନର ପାଳି ଖେଲିଥିଲେ। ସେହିପରି ଶେଷ ଟେଷ୍ଟ ୨୦୦୦ରେ ଦକ୍ଷିଣ ଆଫ୍ରିକାରେ ୧୦୨ ରନ୍ କରିଥିଲେ। ଆଜାରୁଦ୍ଦିନ ଭାରତ ପକ୍ଷରୁ ୯୯ ଟେଷ୍ଟ ଖେଳି ୬୨୧୫ ରନ୍ କରିଥିଲେ ସେଥିରେ ୨୨ଟି ଶତକ ହାସଲ କରିଥିଲେ। ସେହିପରି ୩୩୪ଟି ଏକଦିବସୀୟ ମ୍ୟାଚ୍ ୯୩୭୮ ରନ୍ କରିଛନ୍ତି। ସେଥିରେ ୭ଟି ଶତକ ଏବଂ ୫୮ଟି ଅର୍ଦ୍ଧଶତକ ସାମିଲ ଅଛି।