ଭାରତୀୟ ପେସର୍ ମହମ୍ମଦ ଶାମି ଆଜି ତାଙ୍କର ୩୧ ତମ ଜନ୍ମଦିନ ପାଳନ କରୁଛନ୍ତି। ଇଂଲଣ୍ଡ ଗସ୍ତରେ ଟିମ ଇଣ୍ଡିଆ ସହିତ ଥିବା ଶାମି ତାଙ୍କ କ୍ୟାରିୟରରେ ଅନେକ ଥର ବିଜୟରେ ସହଯୋଗ କରିଥିଲେ। ଟେଷ୍ଟ ଡେବ୍ୟୁରେ ସେ ୱେଷ୍ଟଇଣ୍ଡିଜ ବିପକ୍ଷ ମ୍ୟାଚରେ ମୋଟ ୯ ଉଇକେଟ ନେଇଥିଲେ। ଏହା ବ୍ୟତୀତ ସେ ଭାଗିଦାରୀ ପ୍ରସଙ୍ଗରେ ମଧ୍ୟ ଚମତ୍କାର ପ୍ରଦର୍ଶନ କରିଥିେଏ। ସେ ୨୦୧୪ରେ ଭୁବନେଶ୍ୱର କୁମାରଙ୍କ ସହ ଇଂଲଣ୍ଡ ବିପକ୍ଷରେ ୧୧୧ ରନ ଯୋଡିଥିଲେ, ଯାହା ଦଶମ ଉଇକେଟ ପାଇଁ ଭାରତର ଦ୍ୱିତୀୟ ସର୍ବୋଚ୍ଚ ଭାଗିଦାରୀ ଅଟେ।
ମହମ୍ମଦ ଶାମି ୧୯୯୦ ମସିହାରେ ଆମ୍ରୋହା, ୟୁପିରେ ଜନ୍ମଗ୍ରହଣ କରିଥିଲେ। ସେ ୨୦୧୩ ରେ ଭାରତୀୟ ଦଳର ଜର୍ସି ପିନ୍ଧିବାର ସୁଯୋଗ ପାଇଲେ। ସେହି ବର୍ଷ ସେ ଟେଷ୍ଟ ଡେବ୍ୟୁରେ ଚମତ୍କାର ପ୍ରଦର୍ଶନ କରିଥିଲେ ଏବଂ କୋଲକାତାର ଇଡେନ ଗାର୍ଡେନ୍ସରେ ୱେଷ୍ଟଇଣ୍ଡିଜ ବିପକ୍ଷରେ ୧୧୮ରନ ଦେଇ ୯ ଉଇକେଟ୍ ନେଇଥିଲେ। ଜଣେ ଭାରତୀୟ ଦ୍ରୁତ ବୋଲରଙ୍କ ପାଇଁ ଡେବ୍ୟୁରେ ଏହା ହେଉଛି ସର୍ବୋତ୍ତମ ପ୍ରଦର୍ଶନ । ଜାନୁଆରୀ ୨୦୧୩ରେ ସେ ଦିଲ୍ଲୀରେ ପାକିସ୍ତାନ ବିପକ୍ଷରେ ଦିନିକିଆ ଡେବ୍ୟୁ କରିଥିଲେ ଏବଂ ୨୩ ରନ ପାଇଁ ଗୋଟିଏ ଉଇକେଟ ନେଇଥିଲେ। ଏହି ମ୍ୟାଚ୍ରେ ସେ ପ୍ରଥମ ଭାରତୀୟ ଖେଳାଳି ହୋଇ ନିଜର ପ୍ରଥମ ମ୍ୟାଚ୍ରେ ଚାରି କିମ୍ବା ଅଧିକ ମେଡେନ୍ ଓଭର ବୋଲିଂ କରିଥିଲେ।
୨୦୧୪ ରେ ଇଂଲଣ୍ଡରେ ମଧ୍ୟ ଶାମିଙ୍କ ପ୍ରଭାବଶାଳୀ ପ୍ରଦର୍ଶନ ଜାରି ରହିଥିଲା। ଏହି ସମୟରେ ଶାମି ଭାରତ ପାଇଁ ଦଶମ ଉଇକେଟ୍ ପାଇଁ ଦ୍ୱିତୀୟ ସର୍ବାଧିକ ଭାଗିଦାରୀ କରିଥିଲେ। ସେ, ଭୁବନେଶ୍ୱର କୁମାରଙ୍କ ସହ ଟ୍ରେଣ୍ଟ ବ୍ରିଜରେ ଡ୍ର ହୋଇଥିବା ମ୍ୟାଚରେ ୧୧୧ ରନ ଯୋଡିଥିଲେ। ଶାମି ମଧ୍ୟ ୨୦୧୫ ବିଶ୍ୱକପରେ ଅଂଶଗ୍ରହଣ କରିଥିଲେ ଏବଂ ହାରାହାରି ୧୭.୨୯ ରେ ୧୭ ଉଇକେଟ ନେଇଥିଲେ। ଟେଷ୍ଟ କ୍ରିକେଟରେ ପ୍ରତ୍ୟାବର୍ତ୍ତନ କରିବାକୁ ତାଙ୍କୁ ପ୍ରାୟ ଦେଢ ଼ ବର୍ଷ ସମୟ ଲାଗିଥିଲା, କିନ୍ତୁ ସେ ଫେରିବା ପରେ ସେ ନିଜ ପ୍ରଦର୍ଶନ ସହିତ ସମାଲୋଚକମାନଙ୍କୁ ଚୁପ କରିଦେଇଥିଲେ। ୱେଷ୍ଟଇଣ୍ଡଜ୍ରେ ଚାରିଟି ଟେଷ୍ଟରେ ସେ ୧୧ ଉଇକେଟ ନେଇଥିଲେ।
ଡାହାଣହାତୀ ପେସର୍ ଶାମି ତାଙ୍କ ଟେଷ୍ଟ କ୍ୟାରିୟରରେ ୫୪ଟି ମ୍ୟାଚରେ ମୋଟ ୧୯୫ ଉଇକେଟ ନେଇଛନ୍ତି। ଏହା ବ୍ୟତୀତ ୭୯ଟି ଦିନିକିଆରେ ୧୪୮ ଉଇକେଟ ନେଇଛନ୍ତି। ଟି -୨୦ ଅନ୍ତର୍ଜାତୀୟ କ୍ୟାରିୟରରେ ସେ ୧୨ଟି ମ୍ୟାଚରେ ୧୨ ଉଇକେଟ ନେଇଛନ୍ତି। ସେ ୭୮ ଟି ପ୍ରଥମ ଶ୍ରେଣୀ ମ୍ୟାଚରେ ମୋଟ ୧୯୮ଟି ଉଇକେଟ ନେଇଛନ୍ତି। ସେ ଆଇପିଏଲରେ ଅନେକ ଦଳ ପାଇଁ ଖେଳିଛନ୍ତି। ସେ ଏପର୍ଯ୍ୟନ୍ତ ଟି -୨୦ କ୍ୟାରିୟରରେ ମୋଟ ୧୧୯ଟି ଉଇକେଟ ନେଇଛନ୍ତି। ଏହା ବ୍ୟତୀତ ସେ ୨ ଅର୍ଦ୍ଧ ଶତକର ସହାୟତାରେ ଟେଷ୍ଟରେ ମୋଟ ୫୯୦ ରନ କରିଛନ୍ତି।