ବମ୍ବେ: ବାପା ଜଣେ ସିବିଆଇ ଅଫିସର। ହେଲେ ଝିଅଙ୍କ ନିଶା ହେଲା ଅଭିନୟ। ଆମେ କଥା ହେଉଛୁ ଟେଲି ଧାରାବାହିକ ‘କାହାନୀ ଘର ଘର କି’ର ପାର୍ବତୀ ଅର୍ଥାତ ସାକ୍ଷୀ ତନଓ୍ବରଙ୍କ କଥା। ଜାନୁୟାରୀ ୧୨ ଅର୍ଥାତ ବୁଧବାର ସେ ନିଜର ଜନ୍ମଦିନ ପାଳନ କରୁଛନ୍ତି। ଏହି ଖାସ ଅବସରରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି।
୧୯୭୩ ଜାନୁୟାରୀ ୧୨ରେ ରାଜସ୍ଥାନର ଅଲଓ୍ବରରେ ଜନ୍ମଗ୍ରହଣ କରିଥିଲେ ସାକ୍ଷୀ। ତାଙ୍କ ବାପା ରାଜେନ୍ଦ୍ର ଜଣେ ସିବିଆଇର ଅଫିସର ଥିଲେ। ସାକ୍ଷୀ ନିଜର ସ୍ନାତକୋତ୍ତର ଶିକ୍ଷା ପରେ ଆଇଏଏସ ଲାଗି ପ୍ରସ୍ତୁତ ହେଉଥିଲେ। କଲେଜ ସମୟରେ ସେ ଡ୍ରାମା ସୋସାଇଟିର ପେସିଡେଣ୍ଟ ଥିଲେ। ଏଥିସହ ସେ ବିଭିନ୍ନ ନାଟକରେ ଭାଗ ନେଉଥିଲେ। ଏକଦା ସାକ୍ଷୀଙ୍କ ଜଣେ ଘନିଷ୍ଡ ବନ୍ଧୁ ତାଙ୍କୁ ଦୁରଦର୍ଶନରେ ଏକ ପ୍ରୋଗ୍ରାମ ଲାଗି ଆଙ୍କରିଂ ଅଡିଶନ ଦେବାକୁ ପରାମର୍ଶ ଦେଇଥିଲେ। ଶେଷରେ ତାଙ୍କୁ ଚୟନ କରାଯାଇଥିଲା।
ଧାରାବାହିକ ‘କାହାନୀ ଘର ଘର କି’ର ପାର୍ବତୀ ଚରିତ୍ର ତାଙ୍କୁ ଘରେ ଘରେ ପରିଚିତ କରାଇଥିଲା। ପରେ ସେ ‘କୁଟୁମ୍ବ’, ‘ଜସି ଜୈସି କୋଇ ନେହି’, ‘ବାଲିକା ବଧୁ’ ଭଳି ଧାରାବାହିକରେ ନଜର ଆସିଥିଲେ। ବଲିଉଡ୍ ଫିଲ୍ମ‘ଦଙ୍ଗଲ’ରେ ମଧ୍ୟ ସାକ୍ଷୀ ଆମିର ଖାନ୍ଙ୍କ ସ୍ତ୍ରୀ ଭୂମିକା ତୁଲାଇଥିଲେ। ଦେଖାଗଲେ ଏବେ ଯାଏ ବି ତାଙ୍କ ଲୋକପ୍ରିୟତା ପୂର୍ବଭଳି ରହିଛି। ପାଉଣା କଥା ଯଦି ଉଠେ ତେବେ ସେ ଦିନକୁ ୧.୫ ଲକ୍ଷ ଟଙ୍କା ନେଇଥାନ୍ତି।
୪୮ ବର୍ଷ ବୟସରେ ବି ସାକ୍ଷୀ ଅବିବାହିତା ଅଛନ୍ତି। ହେଲେ ତାଙ୍କୁ ପ୍ରକୃତ ସାଥୀଟିଏ ମିଳି ପାରୁନାହିଁ। ୨୦୧୮ରେ ସେ ଏକ ଝିଅକୁ ପାଳିତା କନ୍ୟା ଭାବେ ଗ୍ରହଣ କରିଥିଲେ। ତାଙ୍କ ନା ‘ଦିବ୍ୟା’ ଦିଆଯାଇଛି।
ଟେଲି ଧାରାବାହିକ ‘ବଡେ ଅଚ୍ଛେ ଲଗତେ ହୈ’ରେ ସାକ୍ଷୀ ନଜର ଆସିଥିଲେ। ଫିଲ୍ମରେ ଦୁହିଁଙ୍କ ଇଣ୍ଟିମେଟ୍ ଦୃଶ୍ୟ ଚର୍ଚ୍ଚାରେ ରହିଥିଲା। ଟେଲିଭିଜନ ଇତିହାସରେ ଏହି ଚୁମ୍ବନ ଦୃଶ୍ୟ ସବୁଠାରୁ ଲମ୍ବା ଥିଲା। ଏହାକୁ ଶୁଟିଂ କରିବା ସେତେଟା ସହଜ ମଧ୍ୟ ନ ଥିଲା। କାରଣ ସାକ୍ଷୀ ଅସହଜ ହୋଇଯାଇଥିଲେ। ଏଣୁ ନିର୍ମାତାମାନେ କିଛି ସମୟ ବ୍ରେକ୍ ନେଇ ଦୃଶ୍ୟକୁ ଫାଇନାଲ କରିଥିଲେ।