ବଲିଉଡ ଅଭିନେତ୍ରୀ ଶର୍ମିଲା ଟାଗୋର ଆଜି ୭୬ତମ ଜନ୍ମଦିନ ପାଳନ କରୁଛନ୍ତି। ସେ ଡିସେମ୍ବର ୮, ୧୯୪୪ ରେ କାନପୁରରେ ଜନ୍ମଗ୍ରହଣ କରିଥିଲେ। ଶର୍ମିଲା ଟାଗୋର ତାଙ୍କ ସମୟର ସବୁଠାରୁ ସୁନ୍ଦର ଏବଂ ବୋଲ୍ଡ ଅଭିନେତ୍ରୀମାନଙ୍କ ମଧ୍ୟରୁ ଅନ୍ୟତମ। ଶର୍ମିଲା ତାଙ୍କ କ୍ୟାରିୟରରେ ଗୋଟିଏ ନୁହେଁ ବରଂ ଅନେକ ସୁପରହିଟ ଫିଲ୍ମ ଦେଇଛନ୍ତି। ସେ ‘ବିକିନି’ ଅବତାରରେ ସବୁଠୁ ଅଧିକ ଚର୍ଚ୍ଚାକୁ ଆସିଥିଲେ। ବିକିନି ପିନ୍ଧିଥିବା ପ୍ରଥମ ଭାରତୀୟ ଅଭିନେତ୍ରୀ ଶର୍ମିଲା ଟାଗୋର ଥିଲେ। ଏଥି ସହିତ, ଏକ ପତ୍ରିକାରେ ତାଙ୍କର ଏକ ବୋଲ୍ଡ ଫଟୋକୁ ନେଇ ଅନେକ ଚର୍ଚ୍ଚା ସୃଷ୍ଟି ହୋଇଥିଲା। ୧୯୬୭ରେ ମୁକ୍ତିଲାଭ କରିଥିବା ଫିଲ୍ମ ‘ଆନ୍ ଇଭନିଙ୍ଗ୍ ଇନ୍ ପ୍ୟାରିସ’ରେ ଶର୍ମିଲା ଟାଗୋର ଏକ ସ୍ବିମ୍ଶୁଟ୍ ପିନ୍ଧିଥିଲେ। ସେ ଏଭଳି ଶୁଟ୍ ପିନ୍ଧିଥିବା ପ୍ରଥମ ଭାରତୀୟ ଅଭିନେତ୍ରୀ ହୋଇଥିଲେ। ସେ ଫିଲ୍ମଫେୟାର ପତ୍ରିକାର ଅଗଷ୍ଟ ୧୯୮୮ ସଂଖ୍ୟା ପାଇଁ ବିକିନି ପିନ୍ଧି ଫଟୋଶୁଟ୍ କରିଥିଲେ। ଜଣେ ପ୍ରସିଦ୍ଧ ଅଭିନେତ୍ରୀ ବିକିନିରେ ଫଟୋସୁଟ ଭାରତରେ ପ୍ରଥମ ଥିଲା। ‘ଆନ୍ ଇଭନିଙ୍ଗ୍ ଇନ୍ ପ୍ୟାରିସ’ ଶୁଟିଂ ସମୟରେ କ୍ରିକେଟର୍ ମନସୁର ଅଲ୍ଲୀ ଖଶନ ପଟୌଦିଙ୍କ ସହ ଶର୍ମିଳାଙ୍କ ସାକ୍ଷାତ ହୋଇଥିଲା। ଏହାପରେ ଉଭୟଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା। ମନସୁର ଅଲିଙ୍କ ମା ଏହା ଜାଣିବା ପରେ ସେ ଶର୍ମିଲାଙ୍କୁ ଭେଟିବାକୁ ମୁମ୍ବାଇ ଆସିବାର ଥିଲା। ଏହି ସମୟରେ ମୁମ୍ବାଇରେ ଶର୍ମିଲାଙ୍କ ସ୍ବିମ୍ଶୁଟ୍ ପୋଷ୍ଟର ଚାରିଆଡେ ଲାଗିଥିଲା। ମନସୁରଙ୍କ ମା’ କାଳେ ଏହି ଫଟୋ ଦେଖିଦେବା ତାହା ଭାବି ଶର୍ମିଲା ବିବ୍ରତ ହୋଇପଡିଥିଲେ। ସେ ସଙ୍ଗେ ସଙ୍ଗେ ତାଙ୍କ ଚଳଚ୍ଚିତ୍ର ନିର୍ମାତାଙ୍କୁ ଡାକି ମୁମ୍ବାଇର ପ୍ରତ୍ୟେକ କୋଣରୁ ଫିଲ୍ମର ପୋଷ୍ଟର ହଟାଇବାକୁ କହିଥିଲେ।
