ନୂଆଦିଲ୍ଲୀ,୫।୧୨: ଭାରତୀୟ ଟିମ୍ର ଦ୍ରୁତ ଓପନୀ୍ ଶିଖର ଧଓ୍ବନ୍ ଶନିବାର ୩୫ ବର୍ଷରେ ପଦାର୍ପଣ କରିଛନ୍ତି। ୯ ବର୍ଷ ପୂର୍ବେ ଅନ୍ତରାଷ୍ଟ୍ରୀୟ କ୍ରିକେଟରେ ଖେଳିବା ଆରମ୍ଭ କରିଥିଲେ ସେ। ଏବେ ସେ ପଡ଼ିଆକୁ ଓହ୍ଲାଇବା ମାତ୍ରେ ବିରୋଧି ଦଳ ମଧ୍ୟରେ ଝନକା ପଶିଯାଏ। ୨୦୦୬ରେ ଦିନିକିଆ କ୍ରିକେଟରେ ୩୦୦୦ ରନ୍ ପୂରଣ କରିବାରେ ସେ ଭାରତର ଦ୍ରୁତତମ ବ୍ୟାଟ୍ସମ୍ୟାନ୍ ପାଲଟିଥିଲେ। ତାଙ୍କର ଖେଳ ଜୀବନ ମଧ୍ୟରେ ଏଭଳି ୫ ପାଳି ରହିଛି ଯେଉଁଥିରେ ସେ ନିଜର ଶ୍ରେଷ୍ଠ ପ୍ରଦର୍ଶନ କରିଛନ୍ତି।
୨୦୧୩ରେ ମୋହାଲିରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଉଥିବା ଟେଷ୍ଟମ୍ୟାଚ୍ରେ ଡେବ୍ୟୁ କରି ସେ ୧୭୪ ବଲ୍ରେ ୧୮୭ରନ୍ କରିଥିଲେ। ସେଥିରୁ ମାତ୍ର ୮୫ ବଲ୍ରେ ସେ ଶତକ କରିଥିଲେ। କୌଣସି ଡେବ୍ୟୁ ମ୍ୟାଚ୍ରେ ସବୁଠାରୁ ଦ୍ରୁତ ଶତକ କରିଥିଲେ ସେ।
ସେହିଭଳି ୨୦୧୩ରେ ନାଗପୁରରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟସିରିଜରେ ୧୦୨ ବଲ୍ରେ ଶତକ କରି ଭାରତକୁ ଜିତାଇଥିଲେ ଧଓ୍ବନ। ଫଳରେ ଭାରତ ୪-୦ରେ ସିରିଜ୍କୁ ପୋଛି ଆଣିଥିଲା। ପରେ ୨୦୧୩ରେ ଚାମ୍ପିଅନ୍ସ ଟ୍ରଫିରେ ମାତ୍ର ୯୪ ବଲ୍ରେ ୧୧୪ ରନ୍ କରି ସମସ୍ତଙ୍କୁ ଚକିତ କରିଥିଲେ ସେ। ୨୦୧୫ରେ ମେଲବର୍ନରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ୧୪୬ ବଲ୍ରେ ୧୩୭ରନ୍ କରିଥିଲେ। ୨୦୧୭ରେ ଶ୍ରୀଲଙ୍କା ବିପକ୍ଷ ମ୍ୟାଚ୍ରେ ୯୦ ବଲ୍ରେ ୧୩୨ ରନ୍ କରି ବୋଲରଙ୍କ ନିଦ ହଜାଇଦେଇଥିଲେ। ଆଜି ଏହି ଧୁଆଁଧାର ବ୍ୟାଟ୍ସମ୍ୟାନଙ୍କ ଜନ୍ମଦିନ ଉପଲକ୍ଷେ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି। ପ୍ରଶଂସକଙ୍କଠାରୁ ଆରମ୍ଭ କରି କ୍ରିକେଟଜଗତ ସହ ଜଡ଼ିତ ଦିଗ୍ଗଜମାନେ ତାଙ୍କୁ ଅଭିନନ୍ଦନ ଜଣାଉଛନ୍ତି।