ବଲିଉଡ ଅଭିନେତ୍ରୀ ସନ୍ନି ଲିଓନି ଆଜି ୪୧ ବର୍ଷରେ ପଦାର୍ପଣ କରିଛନ୍ତି। ଜଣେ ଅଭିନେତ୍ରୀ ହେବା ବ୍ୟତୀତ ସନ୍ନି ମଧ୍ୟ ଜଣେ ଭଲ ନୃତ୍ୟଶିଳ୍ପୀ। ସେ ଅନେକ ଆଇଟମ ନମ୍ବର ମାଧ୍ୟମରେ ଦର୍ଶକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି। ସଲମାନ ଖାନଙ୍କ ଶୋ’ ବିଗ ବସ ରେ ଅଂଶଗ୍ରହଣ କରିବା ପରେ ସନ୍ନିଙ୍କ ଭାଗ୍ୟ ପରିବର୍ତ୍ତନ ହୋଇଯାଇଥିଲା। ଏହାପରେ ସେ ଆଉ ପଛକୁ ପେରି ନାହାନ୍ତି। ଫିଲ୍ମ ‘ଜିସ୍ମ-୨’ ଜରିଆରେ ସେ ବଲିଉଡ୍ ଜଗତରେ ଡେବ୍ୟୁ କରିଥିଲେ। ଖୁବ କମ ଲୋକ ଜାଣନ୍ତି ଯେ ସନ୍ନି ଏହି ଆଇଟମ ନମ୍ବର ପାଇଁ ନିର୍ମାତାମାନଙ୍କ ଠାରୁ କୋଟି ଟଙ୍କା ଚାର୍ଜ କରନ୍ତି। ଲୈଲା ମେଁ ଲୈଲା, ବେବି ଡଲ, ଲୈଲା ତେରି ଲେ ଲେଗି ଭଳି ଅନେକ ସୁପରହିଟ ଆଇଟମ ନମ୍ବର କରି ସନ୍ନି ପ୍ରଶଂସା ସାଉଁଟିଛନ୍ତି। ସେ ଗୋଟିଏ ଆଇଟମ ନମ୍ବର ୩ ରୁ ୪ କୋଟି ଟଙ୍କା ନିଅନ୍ତି।
ବିଗ ବସ ସମୟରେ ସନ୍ନି ଲିଓନିଙ୍କୁ ଜିସ୍ମ-୨ ଅଫର୍ ଦେଇଥିଲେ ମହେଶ ଭଟ୍ଟ । ଏହା ପରେ ସେ ୱାନ ନାଇଟ ଷ୍ଟାଣ୍ଡ, କୁଛ କୁଛ ଲୋଚା ହୈ, ରାଗିଣୀ ଏମଏମଏସ ୨, ଜ୍ୟାକପଟ ଏବଂ ଏକ ପହେଲି ଲୀଲା ଭଳି ଫିଲ୍ମରେ ଅଭିନୟ କରିଥିଲେ। ଖୁବ ଶୀଘ୍ର ତାଙ୍କୁ ଫିଲ୍ମ ପତ୍ତାରେ ଦେଖିବାକୁ ମିଳିବ। ଏହା ବ୍ୟତୀତ ତାଙ୍କ ହାତରେ ଓଃ ମାଇଁ ଘୋଷ୍ଟ, ଅନାମିକା ଏବଂ ରଙ୍ଗୀଲା ଭଳି ଫିଲ୍ମ ଅଛି।
