ରୂପ୍ସା,୧୨ା୬(ଡି.ଏନ.ଏ.): ବାଲେଶ୍ୱର ଜିଲା ରୂପ୍ସା ଥାନା ଗଡ଼ପଦା ପଞ୍ଚାୟତ ଅନ୍ତର୍ଗତ ଲଛମନଖୁଣ୍ଟା ଗ୍ରାମରେ ପୁଣି ଏକ ଦନ୍ତା ହାତୀର ଉପଦ୍ରବ ଦେଖିବାକୁ ମିଳିଛି। ମୟୂରଭଞ୍ଜ ପଟରୁ ରବିବାର ବିଳମ୍ବିତ ରାତିରେ ଏହି ହାତୀ ଆସି ଗାଁରେ ପଶି ହରେକୃଷ୍ଣ ଦାସଙ୍କ ଘର ଭଙ୍ଗାରୁଜା କରିଥିଲା। ଶୋଇଥିବା ଅବସ୍ଥାରେ ଘର ମାଲିକ ହରେକୃଷ୍ଣଙ୍କୁ ହାତୀଟି ଶୁଣ୍ଢ ବଢ଼ାଇ ଆକ୍ରମଣ କରୁଥିବା ବେଳେ ତାଙ୍କ ପୁଅ ଉଠି ପଡ଼ି ବାପାଙ୍କୁ ସେଠାରୁ ଘୋଷାରି ନେଇଥିଲେ। ଫଳରେ ସେ ଅଳ୍ପକେ ରକ୍ଷା ପାଇଯାଇଥିଲେ। ଗାଁ ଲୋକେ ରାତିରେ ବନବିଭାଗକୁ ଖବର ଦେଇଥିଲେ ମଧ୍ୟ କେହି ନ ପହଞ୍ଚତ୍ବାରୁ ଅସନ୍ତୋଷ ପ୍ରକାଶ ପାଇଥିଲା। ଏହା ପରେ ହାତୀଟି ଉକ୍ତି ଗ୍ରାମର ଜିତୁ ସିଂ ଓ କଟିଆ ସିଂ ଘରେ ପଶି ଧାନ ଖାଇ ପାଖ ଜଙ୍ଗଲକୁ ପଳାଇଥିଲା। ସୋମବାର ବସ୍ତା ଫରେଷ୍ଟର ଓ ରାଜସ୍ବ ନୀରିକ୍ଷକ ପହଞ୍ଚତ୍ କ୍ଷୟକ୍ଷତି ଆକଳନ କରିଥିଲେ।