ନୂଆଦିଲ୍ଲୀ,୧୦।୭: ଅଭିନେତ୍ରୀ ଗୀତା ବସରା ଓ ଭାରତୀୟ କ୍ରିକେଟର ସ୍ପିନର ହରଭଜନ ସିଂଙ୍କ ଘରକୁ ଏକ ନୂଆ ଅତିଥି ଆସିଛି। ହରଭଜନଙ୍କ ପତ୍ନୀ ଗୀତା ବସରା ଏକ ପୁତ୍ର ସନ୍ତାନକୁ ଜନ୍ମ ଦେଇ ଦ୍ୱିତୀୟ ଥର ପାଇଁ ମା’ ହୋଇଛନ୍ତି। ଏନେଇ ହରଭଜନ ଟୁଇଟ କରି ସୂଚନା ଦେଇଛନ୍ତି। ତେବେ କୁନି ଅତିଥିଙ୍କ ଆଗମନକୁ ନେଇ ହରଭଜନ ଓ ଗୀତାଙ୍କ ଘରେ ଏବେ ଖୁସିର ଲହରୀ ଖେଳିଯାଇଛି। ପୂର୍ବରୁ ଉକ୍ତ ଦମ୍ପତି ଜଣେ କନ୍ୟା ସନ୍ତାନର ମାତାପିତା ହୋଇଥିଲେ। ଝିଅର ନାମ ହେଉଛି ହିନାୟା ହିର। ହିନାୟା ୨୦୧୬ ଜୁଲାଇ ୨୭ରେ ଜନ୍ମଗ୍ରହଣ କରିଥିଲେ। ସୂଚନାଯୋଗ୍ୟ, ଅଭିନେତ୍ରୀ ଗୀତା ୨୦୧୫ ଅକ୍ଟୋବର ୨୯ରେ ପଞ୍ଜାବର ଜଲନ୍ଧରରେ ପୁରା ରୀତିନୀତିରେ କ୍ରିକେଟର ହରଭଜନଙ୍କୁ ବିବାହ କରିଥିଲେ।
