ନୂଆଦିଲ୍ଲୀ,୧୮।୩: ଭାରତୀୟ କ୍ରିକେଟ ଦଳର ଷ୍ଟାର ବୋଲର ରବିଚନ୍ଦ୍ରନ ଅଶ୍ୱିନ ଦୁନିଆର ଏଭଳି ଜଣେ କ୍ରିକେଟର ଯିଏ ଖେଳ ସହ ଖେଳର ନିୟମକୁ ଭଲଭାବେ ଜାଣନ୍ତି। କ୍ରିକେଟ ନିୟମକୁ କ୍ରମାଗତ ଭାବେ ଚ୍ୟାଲେଞ୍ଜ କରି ସେ ବିବାଦକୁ ଆସିଥାନ୍ତି। ଏହାଛଡ଼ା ମଇଦାନରେ ଉଇକେଟ ନେବାକୁ ବୋଲିରେ ବିଭିନ୍ନ ପରିବର୍ତ୍ତନ ମଧ୍ୟ କରିଥାନ୍ତି। ଏହି କାରଣରୁ ତାଙ୍କ ନାମ ଭାରତର ସର୍ବକାଳୀନ ଶ୍ରେଷ୍ଠ ସ୍ପିନରରେ ଗଣାଯାଏ। ଏବେ ଟିମ୍ ଇଣ୍ଡିଆର ପୂର୍ବତନ ଭେଟେରାନ ତଥା ଅଶ୍ୱିନଙ୍କ ସାଥୀ ଖେଳାଳି ହରଭଜନ ସିଂହ ତାଙ୍କୁ ଏକ ନୂଆ ନାମ ଦେଇଛନ୍ତି। ଯଦି ମାଇକେଲ ହୁସେ ମିଷ୍ଟର କ୍ରିକେଟ ତେବେ ଅଶ୍ୱିନ ଡବଲ ମିଷ୍ଟର କ୍ରିକେଟ ବୋଲି ସେ କହିଛନ୍ତି।