ନୂଆଦିଲ୍ଲୀ,୧୬।୧: ଭାରତୀୟ କ୍ରିକେଟର୍ ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁଣାଳ ପାଣ୍ଡ୍ୟାଙ୍କ ବାପା ହିମାଂଶୁ ପାଣ୍ଡ୍ୟାଙ୍କ ଶନିବାର ନିଧନ ହୋଇଛି। ହୃଦ୍ଘାତରେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିବା ପରେ ଶୋକାକୂଳ ପରିବେଶ ସୃଷ୍ଟି ହୋଇଛି। କ୍ରିକେଟ ସହ ଅନ୍ୟାନ୍ୟ କ୍ଷେତ୍ର ସହ ଜଡ଼ିତ ବ୍ୟକ୍ତିବିଶେଷ ହାର୍ଦ୍ଦିକଙ୍କ ପରିବାରପ୍ରତି ସମବେଦନା ପ୍ରକାଶ କରୁଛନ୍ତି।
ହିମାଂଶୁ ଉଭୟ ପୁଅଙ୍କୁ ଭଗବାନଙ୍କ ଉପହାର ବୋଲି ଭାବୁଥିଲେ। ସମ୍ପର୍କୀୟମାନେ ସେମାନଙ୍କୁ କ୍ରିକେଟ ଖେଳାଇବାକୁ ଦିଅନ୍ତୁ ନାହିଁ ବୋଲି କହୁଥିଲେ। ହେଲେ ହିମାଂଶୁ ତାହା ଶୁଣି ନ ଥିଲେ। ଏବେ ଉଭୟଙ୍କୁ ସଫଳ ହେବା ଦେଖିବା ପରେ ଲୁହ ରୋକି ହୁଏନା ବୋଲି ଏକଦା ସେ ସାକ୍ଷାତକାରରେ କହିଥିଲେ।
ତେବେ ହାର୍ଦ୍ଦିକ ଏବେ ସୀମିତ ଓଭର ସିରିଜ୍ ଖେଳି ସ୍ବଦେଶ ଫେରିଛନ୍ତି। ନିକଟରେ ସେ ପିତା ହୋଇଥିବା ବେଳେ ନିଜ ପରିବାର ସହ ସମୟ ବିତାଉଥିଲେ। ସେହିଭଳି କ୍ରୁଣାଳ ସୈୟଦ ମୁସ୍ତାକ ଅଲି ଟ୍ରଫିର ନେତୃତ୍ୱ ନେଉଥିଲେ। ଏବେ ପିତାଙ୍କ ନିଧନ ଶୁଣି ସେ ବାୟୋ-ବବଲ ଛାଡ଼ି ଦେଇଥିବା କୁହାଯାଉଛି।
