ମୁମ୍ବାଇ,୧୨।୪: ଆଇପିଏଲ୍ ୨୦୨୨ରେ ପ୍ରତିଦିନ ରୋମାଞ୍ଚକର ମ୍ୟାଚ ଦେଖିବାକୁ ମିଳୁଛି। ଚଳି ଆଇପିଏଲ୍ର ୨୧ତମ ମ୍ୟାଚରେ ସନରାଇଜର୍ସ ହାଇଦ୍ରାବାଦ ୮ ଉଇକେଟ୍ରେ ଗୁଜରାଟ ଟାଇଟାନ୍ସକୁ ଦଳକୁ ପରାସ୍ତ କରିଛି। ଏହି ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ଏକ ବଡ଼ ରେକର୍ଡ କରିଛନ୍ତି।
ହାର୍ଦ୍ଦିକ ପାଣ୍ଡ୍ୟା ସନରାଇଜର୍ସ ହାଇଦ୍ରାବାଦ ବିପକ୍ଷରେ ୪୨ଟି ବଲରେ ୫୦ ରନ ସଂଗ୍ରହ କରିଥିଲେ। ଏଥିରେ ୪ଟି ଚୌକା ଓ ଗୋଟିଏ ଛକା ଥିଲା। ୧୦୦ଟି ଛକା ମାରିବାରେ ହାର୍ଦ୍ଦିକ ପାଣ୍ଡ୍ୟା ଦ୍ରୁତତମ ବ୍ୟାଟ୍ସମ୍ୟାନ ହୋଇଛନ୍ତି। ୯୬ତମ ଆଇପିଏଲ ମ୍ୟାଚର ୮୯ତମ ଇନିଂସରେ ହାର୍ଦ୍ଦିକ ପାଣ୍ଡ୍ୟା ଛକା ଶତକ ପୂରଣ କରିଥିଲେ। ସେ ଆଇପିଏଲରେ ୧୦୦ କିମ୍ବା ଅଧିକ ଛକା ମାରିବାରେ ୨୬ତମ ଖେଳାଳି ହୋଇଥିଲେ। କିନ୍ତୁ ସବୁଠୁ କମ୍ ବଲରେ ୧୦୦ଟି ଛକା ମାରି ଭାରତର ପ୍ରଥମ ଖେଳାଳି ହୋଇଥିଲେ। ସେ ମାତ୍ର ୧୦୪୬ ବଲରେ ଏହି କୀର୍ତ୍ତିମାନ କରିଛନ୍ତି।
ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଟି -୨୦ ବିଶ୍ୱକପ ୨୦୨୧ ପରଠାରୁ ଭାରତୀୟ ଦଳରୁ ବାଦ୍ ପଡିଚନ୍ତି। ଏଭଳି ପରିସ୍ଥିତିରେ ସେ ଆଇପିଏଲରେ ଭଲ ପ୍ରଦର୍ଶନ କରି ଟିମ ଇଣ୍ଡିଆକୁ ଫେରିବାକୁ ଚାହୁଁଛନ୍ତି। ସେ ଆଇପିଏଲ ୨୦୨୨ର ଚାରୋଟି ମ୍ୟାଚ ରେ ୧୪୧ ରନ ସଂଗ୍ରହ କରିଥିଲେ ଏବଂ ୩ଟି ଉଇକେଟ ମଧ୍ୟ ନେଇଥିଲେ।