ଏମିତି ସର୍ଟ ମାରିଲେ ହାର୍ଦ୍ଦିକ ପାଣ୍ଡ୍ୟା, ବୋଲରଙ୍କ ହାତରେ ପଡ଼ିଲା ୬ ଷ୍ଟିଚ୍
07 ନୂଆଦିଲ୍ଲୀ,୨।୬: ଟି-୨୦ ବିଶ୍ୱକପ ଆରମ୍ଭ କରିବା ପୂର୍ବରୁ ବାଂଲାଦେଶ ଏକ ବଡ ଝଟ୍କା ଲାଗିଛି। ଦଳର ଦ୍ରୁତ ବୋଲର ଶୋରିଫୁଲ ଇସଲାମ ଭାରତ ବିପକ୍ଷ ୱାର୍ମ ଅପ ମ୍ୟାଚରେ ଗୁରୁତର ଆହତ ହୋଇଛନ୍ତି। ତାଙ୍କ ହାତରେ ୬ଟି ଷ୍ଟିଚ୍ ପଡ଼ିଛି। ତାଙ୍କର ଆଘାତ ଭଲ ହେବା ପାଇଁ ଅତି କମରେ ଏକ ସପ୍ତାହ ଲାଗିବ ବୋଲି ଆକଳନ କରାଯାଇଛି। ଏହାର ଅର୍ଥ ସେ ଜୁନ ୭ରେ ଶ୍ରୀଲଙ୍କା ବିପକ୍ଷରେ ବାଂଲାଦେଶର ଓପନିଂ ମ୍ୟାଚ ଖେଳି ପାରିବେ ନାହିଁ। ଭାରତ ବିପକ୍ଷ ୱାର୍ମ ଅପ ମ୍ୟାଚରେ ଶୋରିଫୁଲ ସବୁଠାରୁ ସଫଳ ବୋଲର ବୋଲି ପ୍ରମାଣିତ କରିଥିଲେ। ସେ ୩.୫ ଓଭରରେ ୨୬ ରନ ଦେଇ ଗୋଟିଏ ଉଇକେଟ ନେଇଥିଲେ। ଏବେ ତାଙ୍କ ଆଘାତ ବାଂଲାଦେଶ ପାଇଁ ବଡ କ୍ଷତି ହୋଇପାରେ।
ଭାରତର ବ୍ୟାଟିଂ ସମୟରେ ଏହି ଘଟଣା ୨୦ ଓଭରରେ ଘଟିଥିଲା। ଶେଷ ଓଭର ବୋଲିଂ କରିବାକୁ ଆସିଥିବା ଶୋରିଫୁଲ ପଞ୍ଚମ ବଲରେ ୟର୍କର ବୋଲିଂ କରିଥିଲେ। ଏହି ସମୟ ମଧ୍ୟରେ ହାର୍ଦ୍ଦିକ ପାଣ୍ଡ୍ୟା ବ୍ୟାଟିଂ କରୁଥିଲେ। ସେ ଏହି ୟର୍କରକୁ ଏକ ସିଧା ବ୍ୟାଟରେ ଖେଳିଥିଲେ, ଯାହା ଶୋରିଫୁଲ ତାଙ୍କ ପାପୁଲିରେ ଅଟକାଇବାକୁ ଚେଷ୍ଟା କରିଥିଲେ। ବଲ୍ ଏତେ ଦ୍ରୁତ ଗତିରେ ଥିଲା ଯେ ତାଙ୍କ ପାପୁଲି ଫୁଲିଗଲା ଏବଂ ତାଙ୍କୁ ତୁରନ୍ତ ପଡ଼ିଆ ଛାଡି ବାହାରକୁ ଯିବାକୁ ପଡିଥିଲା।