ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ମିଶିଷ୍ଟ ଟି-୨୦ ଅନ୍ତର୍ଜାତୀୟୟ ସିରିଜ୍ର ତୃତୀୟ ମ୍ୟାଚ୍ ମଙ୍ଗଳବାର ଅନୁଷ୍ଠିତ ହୋଇଥିଲା। ଏଥିରେ ଭାରତ ୮ ଉଇକେଟରେ ଇଂଲଣ୍ଡ ଠାରୁ ପରାସ୍ତ ହୋଇଛି। ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଭାରତ ପ୍ରଥମ ବ୍ୟାଟିଂ କରି ୧୫୬ ରନ୍ କରିଥିଲା। ଗୋଟିଏ ପଟେ ଏହି ମ୍ୟାଚ୍ରେ ବିରାଟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟା ୭୦ ରନ୍ର ପାଟନରଶିପ୍ କରିଥିଲେ। ଅନ୍ୟପଟେ ପାଣ୍ଡ୍ୟାଙ୍କୁ ଚିୟର କରିବା ପାଇଁ ପ୍ରଥମ ଥର ସ୍ତ୍ରୀ ନତାଶା ଷ୍ଟେନକୋଭିକ ଷ୍ଟାଡିୟମ୍ରେ ପହଞ୍ଚିଥିଲେ। ଏହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାରତ ଏହି ମ୍ୟାଚ୍ ହାରିଥିଲେ ମଧ୍ୟ ପାଣ୍ଡ୍ୟା-କୋହଲି ଏକ ଖାସ୍ ରେକର୍ଡ ନିଜ ନାମରେ କରିପାରିଛନ୍ତି।
ଏହି ଅବସରରେ ନତାଶା ଗ୍ରେ ରଙ୍ଗର ଏକ ଟପ୍ ପିନ୍ଧିଥିବା ବେଳେ ଚଷମା ମଧ୍ୟ ଲଗାଇଥିଲେ। ଏହି ଫଟୋକୁ ପୋଷ୍ଟକରି ନତାଶ ଲେଖିଛନ୍ତି, ଭୟଭୀତ ହେବାର ଆବଶ୍ୟକତା ନାହିଁ।
ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ୫ ମ୍ୟାଚ୍ ମିଶିଷ୍ଟ ଟି-୨୦ର ତୃତୀୟ ମ୍ୟାଚ୍ରେ ଭାରତ ପରାସ୍ତ ହୋଇଛି। ଏହି କାରଣରୁ ନତାଶା ଲେଖିଛନ୍ତି ଭୟଭୀତ ହେବାର ନାହିଁ। କାରଣ ଆଉ ୨ଟି ମ୍ୟାଚ୍ ବାକି ଅଛି।
