ଭାରତୀୟ କ୍ରିକେଟ ଦଳ ଏବେ ଅଷ୍ଟ୍ରେଲିଆରେ ଟେଷ୍ଟ ମ୍ୟାଚ୍ ଖେଳୁଛି। ଅନ୍ୟପଟେ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ରାସ୍ତାରେ ବୁଲୁଥିବାର ଦେଖିବାକୁ ମିଳିଛି।
ଭାରତ-ଅଷ୍ଟ୍ରେଲିଆ ଟି-୨୦ ସିରିଜ୍ରେ ଚମତ୍କାର ପ୍ରଦର୍ଶନ ପରେ ହାର୍ଦ୍ଦିକ ଏବେ ନିଜ ପରିବାର ପାଖକୁ ଭାରତ ଚାଲିଆସିଛନ୍ତି। ଏମିତିରେ ତାଙ୍କୁ କେତେବେଳେ ନିଜ ସ୍ତ୍ରୀ-ପିଲାଙ୍କ ସହ ଦେଖିବାକୁ ମିଳୁଛି ତ ଆଉ କେତେବେଳେ ମସ୍ତି କରୁଥିବାର। ନିକଟରେ ହାର୍ଦ୍ଦିନ ନିଜର ଇନ୍ଷ୍ଟାଗ୍ରାମ୍ରେ ଏକ ଫଟୋ ଶେୟାର କରିଛନ୍ତି, ଯେଉଥିରେ ତାଙ୍କର ଷ୍ଟାଇଲ ଦେଖି ପ୍ରଶଂସକ ପାଗଳପ୍ରାୟ ହୋଇଯାଇଛନ୍ତି।
ହାର୍ଦ୍ଦିକ ଖେଳ ସହ ନିଜ ଜୀବନଶୈଳୀକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ୪ ମାସ ପର୍ଯ୍ୟନ୍ତ ବାହାରେ ରହିବା ପରେ ବର୍ତ୍ତମାନ ହାର୍ଦ୍ଦିକ ନିଜ ସହର ମୁମ୍ବାଇକୁ ଫେରିଛନ୍ତି। ଏବେ ସେ ମୁମ୍ବାଇ ରାସ୍ତାରେ ବୁଲାବୁଲି କରିବା ସହ ନିଜର କିଛି ଫଟୋ ଉଠାଇ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଫଟୋ ଶେୟାର କରି ହାର୍ଦ୍ଦିକ କ୍ୟାପଶନରେ ଲେଖିଛନ୍ତି, ଆଣ୍ଟି ସୋସିଆଲ। ଏହି ଫଟୋରେ ସେ ଏକ ବ୍ୟାରିକେଟ ପଛରେ ଛାଡି ହୋଇଛନ୍ତି। ଧୂସର ରଙ୍ଗର ଟି-ସାର୍ଟ ଏବଂ ଚେକ୍ ସାର୍ଟ ପିନ୍ଧିଛନ୍ତି। ଏଥିସହ ହାତରେ ଘଣ୍ଟା, ମୁଦି ଏବଂ ବେକରେ ଲକେଟ୍ ଥିବା ଏକ ଚେନ୍ ପିନ୍ଧିଥିବାର ଦେଖିବାକୁ ମିଳୁଛି।