![](https://www.dharitri.com/wp-content/uploads/2024/07/Untitled-1-124.png)
ନୂଆଦିଲ୍ଲୀ,୧୧।୭: ଗତ କିଛି ମାସ ହେବ ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାଶା ଷ୍ଟାନକୋଭିକଙ୍କ ଛାଡପତ୍ର ଖବର ଚର୍ଚ୍ଚାରେ ରହିଛି। ବିଭିନ୍ନ ପ୍ରକାରର ଗୁଜବ ସାମ୍ନାକୁ ଆସିଛି ଏବଂ ଏହା ମଧ୍ୟ କୁହାଯାଇଥିଲା ଯେ ଛାଡପତ୍ର ହେଲେ ନତାଶା ହାର୍ଦ୍ଦିକଙ୍କ ୭୦ ପ୍ରତିଶତ ସମ୍ପତ୍ତି ନେଇପାରିବେ। ବର୍ତ୍ତମାନ ଶେଷରେ ନତାଶା ଏହି ପ୍ରସଙ୍ଗରେ ନୀରବତା ଭାଙ୍ଗିଛନ୍ତି। ତାଙ୍କର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ସମ୍ପୂର୍ଣ୍ଣ ସୂଚନା ନ ପାଇବା ପର୍ଯ୍ୟନ୍ତ କାହାର ଚରିତ୍ର ଉପରେ ପ୍ରଶ୍ନ ନ କରିବାକୁ ଅନୁରୋଧ କରୁଛନ୍ତି ।
ଭାଇରାଲ ଭିଡିଓରେ ନତାଶା କହିଛନ୍ତି, ମୁଁ ବସି କଫି ଉପଭୋଗ କରୁଥିଲି ଯେତେବେଳେ ମୋ ମନକୁ ଏକ ଚିନ୍ତା ଆସିଲା କି ଲୋକମାନେ କାହାର ଚରିତ୍ରକୁ ଶୀଘ୍ର ବିଚାର କରିଦିଅନ୍ତି। ଯଦି ଜଣେ ବ୍ୟକ୍ତି ଭିନ୍ନ ଆଚରଣ କରୁଛନ୍ତି ତେବେ ଲୋକମାନେ ତାଙ୍କ ପ୍ରତି କୌଣସି ସହାନୁଭୂତି ନ ଦେଖାଇ ତାଙ୍କ ଚରିତ୍ର ଉପରେ ଆଙ୍ଗୁଳି ଦେଖାନ୍ତି। ସେମାନେ ଜାଣି ନାହାଁନ୍ତି କ’ଣ ହୋଇଛି ଏବଂ ଏହା ପଛରେ ପୂରା କାହାଣୀ କ’ଣ? ଦୟାକରି କାହାର ଚରିତ୍ରକୁ ଏତେ ଶୀଘ୍ର ବିଚାର କରନ୍ତୁ ନାହିଁ, କିଛି ସହାନୁଭୂତି ଦେଖାନ୍ତୁ ଏବଂ ଧୌର୍ଯ୍ୟ ମଧ୍ୟ ରଖନ୍ତୁ।
Hardik Pandya’s wife finally breaks her silence on divorce rumors. 🤯
Guys, please watch before it gets deleted. 🙌#HardikPandya #NatasaStankovic pic.twitter.com/1QaPy7R9n8
— Sann (@san_x_m) July 10, 2024