ଭାରତୀୟ କ୍ରିକେଟ ଦଳର ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଘଣ୍ଟା ପିନ୍ଧିବାକୁ ବହୁତ ଭଲ ପାଆନ୍ତି। ଏହି କାରଣରୁ ସେ ଅଧିକାଂଶ ସମୟରେ ଅନେକ ଦାମୀ ଘଣ୍ଟା କିଣିଥାନ୍ତି। କିଛିଦିନ ତଳେ ସେ ତାଙ୍କ ନୂଆ ଘଣ୍ଟାର କିଛି ଫଟୋ ଇନ୍ଷ୍ଟାଗ୍ରାମରେ ଶେୟାର କରିଥିଲେ। ଲୋକେ ତାଙ୍କ ଘଣ୍ଟାର ମୂଲ୍ୟ ୫ କୋଟି ଜାଣି ଆଶ୍ଚର୍ଯ୍ୟ ହୋଇଗଲେ ସତ କିନ୍ତୁ ଘଣ୍ଟାଟି ପସନ୍ଦ ଆସିଲାନି ବୋଲି ଅନେକ କମେଣ୍ଟ କରି କହିଛନ୍ତି।
ଜଣେ ୟୁଜର କହିଛନ୍ତି, ଘଣ୍ଟାର ଦାମ୍ ୫ କୋଟି ହେଲେ କ’ଣ ହେଲା ଏହାର ଡିଜାଇନ୍ ଭଲ ନୁହେଁ। ଆଉ ଜଣେ ୟୁଜର ଲେଖିଛନ୍ତି, ମୋ’ ପାଖରେ ହିସାବ ନାହିଁ, ଏଥିରେ ଆମର କ’ଣ ଲାଭ? ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, କ’ଣ ଏଲ୍ଇଡି ?
କହିରଖୁଛୁ, ଆଇପିଏଲ ୨୦୧୨ର ଅବଶିଷ୍ଟ ମ୍ୟାଚ୍ ଖେଳିବା ପାଇଁ ହାର୍ଦ୍ଦିକ ପାଣ୍ଡ୍ୟା ନିକଟରେ ୟୁଏଇରେ ପହଞ୍ଚିଛନ୍ତି। ତେବେ ଅଗଷ୍ଟ ୧୩ରେ ସେ ଇନ୍ଷ୍ଟାଗ୍ରାମରେ ତାଙ୍କର କିଛି ଫଟୋ ଶେୟାର କରିଥିଲେ। ସେଥିମଧ୍ୟରୁ ଏହି ମୂଲ୍ୟବାନ ଘଣ୍ଟାର ଫଟୋ ଥିଲା। ଏହି ଘଣ୍ଟାଟି ପାଟେକ ଫିଲିପେ ନାଟିଲସ ପ୍ଲାଟିନମ୍ ୫୭୧୧ ବ୍ରାଣ୍ଡର ଅଟେ। ଯାହାର ହୀରା, ପାନ୍ନା ଏବଂ ଅନେକ ରତ୍ନରେ ତିଆରି ହୋଇଛି। ଏହି ଘଣ୍ଟାର ବିଶେଷତ୍ୱ ହେଲା ଏହାର ବେଜେଲ। ଯାହା ୩୨ ବ୍ୟାଗେଟ ପାନ୍ନାରେ ତିଆରି। ଏହା ୪୫ ଘଣ୍ଟା ପର୍ଯ୍ୟନ୍ତ ଶକ୍ତି ସଂରକ୍ଷଣ କରି ରଖିବ। ଏହା ଅଟୋମେଟିକ୍ ବା ସ୍ବୟଂଚାଳିତ ଅଟେ।
