ମୁମ୍ବାଇ, ୧୭।୨:ମୁମ୍ବାଇ ନାଲାସୋପାରାରେ ଲିଭ୍-ଇନ୍ ପାର୍ଟନ ହତ୍ୟା ଅଭିଯୁକ୍ତ ହାର୍ଦ୍ଦିକଙ୍କୁ ବୁଧବାର ପୋଲିସ ଗିରଫ କରିଛି। ପୋଲିସ ସୂଚନାନୁସାରେ ଘରେ ଥିବା ଓ୍ବାଶିଂମେଶିନ୍, କୁଲର ଏବଂ କିଛି ବାସନ ବିକ୍ରି ଟଙ୍କାରେ ହାର୍ଦ୍ଦିକ ଫେରାର୍ ହେବାକୁ ଚେଷ୍ଟା କରିଥିବା ପୋଲିସ କହିଛି। ମେଘା ଧାନ୍ ସିଂ ତୋରଭି (୩୫)ଙ୍କ ଘର କର୍ନାକଟର ଗୁଲବାର୍ଗାରେ। ନର୍ସିଂ ଟ୍ରେନିଂ ସାରି ମୁମ୍ବାଇରେ ସେ କାମ କରୁଥିଲେ। ୩ ବର୍ଷ ହେବ ହାର୍ଦ୍ଦିକ ଓ ମେଘା ପ୍ରେମ ସମ୍ପର୍କରେ ଥିବାବେଳେ ଗତ ୬ ମାସ ହେବ ସେ ନାଲାସୋପାରାରେ ଏକ ଘର ଭଡ଼ା ନେଇ ରହୁଥିଲେ। ଘରେ ମେଘା ଏକୁଟିଆ ରୋଜଗାର କରୁଥିବାବେଳେ ହାର୍ଦ୍ଦିକ ବେକାର ଥିଲେ। ଏହାକୁ ନେଇ ଦୁହିଁଙ୍କ ମଧ୍ୟରେ ଝଗଡ଼ା ଲାଗି ରହୁଥିଲା। ଘଟଣା ଦିନ ରାତିରେ ଭୀଷଣ ଝଗଡ଼ା ହେବା ପରେ ହାର୍ଦ୍ଦିକ ଟାଓ୍ବେଲରେ ମେଘାଙ୍କ ଗଳାଚିପି ହତ୍ୟା କରିଥିଲେ।
