ବେଙ୍ଗାଲୁରୁ,୨୦।୧୦: ବିଶ୍ୱକପ୍ ୨୦୨୩ରେ ଶୁକ୍ରବାର ଖେଳାଯାଉଥିବା ମୁକାବିଲାରେ ଅଷ୍ଟ୍ରେଲିଆ-ପାକିସ୍ତାନ ମୁହାଁମୁହିଁ ହେଉଛନ୍ତି। ମ୍ୟାଚ୍ରେ ପାକିସ୍ତାନ ଅଧିନାୟକ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ ହେଁ ଏହା ତାଙ୍କ ଲାଗି ଭୁଲ ସାବ୍ୟସ୍ତ ହୋଇଛି। କାରଣ ଅଷ୍ଟ୍ରେଲିୟ ବ୍ୟାଟ୍ସମ୍ୟାନ୍ ଡେଭିଡ ଓ୍ବାର୍ନର ଏବଂ ମିଚେଲ ମାର୍ଶ ଜବରଦସ୍ତ ବ୍ୟାଟିଂ କରି ବିରୋଧୀ ଟିମ୍ର ବୋଲରଙ୍କୁ କନ୍ଦାଇ ଦେଇଛନ୍ତି। ସେମାନଙ୍କ ମଧ୍ୟରୁ ଯେଉଁଭଳି ଭାବେ ଦ୍ରୁତ ବୋଲିଂ ଲାଗି ଖ୍ୟାତ ହରିସ ରାଓଫଙ୍କ ବଲ୍ ମାଡ଼ ଖାଇଥିଲା ତାକୁ ଦେଖି ବାକି ପାକିସ୍ତାନୀ ବୋଲରମାନେ ଡରିଯାଇଥିଲେ । କାରଣ ଓ୍ବାର୍ନର-ମାର୍ଶ ତାଙ୍କର କୌଣସି ବି ବଲ୍କୁ ଛାଡ଼ି ନ ଥିଲେ।
ବାବରଙ୍କ ନିର୍ଦ୍ଦେଶରେ ରାଉଫ ୯ମ ଓଭରରେ ବୋଲିଂ ଲାଗି ଆସିଥିଲେ। ସେ ଓ୍ବାର୍ନର-ମାର୍ଶଙ୍କୁ ଅଡ଼ୁଆରେ ପକାଇବେ ବୋଲି ଆଶା କରାଯାଉଥିଲା। ହେଲେ ସେଭଳି କିଛି ହୋଇ ନ ଥିଲା। ତାଙ୍କର ପ୍ରଥମ ବଲ୍ରେ ଓ୍ବାର୍ନର ଚୌକା ମାରିଥିଲେ। ସେହିଭଳି ଦ୍ୱିତୀୟରେ ଛକା, ତୃତୀୟରେ ୧ ରନ୍ ନେଇ ମାର୍ଶଙ୍କୁ ଷ୍ଟ୍ରାଇକ୍ ଦେଇଥିଲେ। ପର ବଲ୍ ଓ୍ବାଇଡ୍ ଥିଲା। ଏହାପରେ ମାର୍ଶ ବାକିଥିବା ତିନି ବଲ୍ରେ ତିନି ଚୌକା ମାରିଥିଲେ। ମୋଟାମୋଟି ଦେଖିଲେ ଏହି ଓଭରରେ ୨୪ ରନ୍ ଆସିଥିଲା। ବାବର ପୁଣିଥରେ ୧୨ତମ ଓଭରରେ ରାଉଫଙ୍କୁ ଡାକିଥିଲେ। ହେଲେ ପୁର୍ବ ଓଭର ଭଳି ତାଙ୍କର ବଲ୍ ମାଡ଼ ଖାଇଥିଲା।