ପଟିଆଲା, ୩୧ା୩ (ପି.ଟି.)-ଭାରତୀୟ ମହିଳା ଟି୨୦ କ୍ରିକେଟ ଦଳ ଅଧିନାୟିକା ହରମନପ୍ରୀତ କୌର କରୋନା ସଂକ୍ରମିତ ହୋଇଛନ୍ତି। ଲକ୍ଷ୍ନୌଠାରେ ମାର୍ଚ୍ଚ ୧୭ରେ ଦକ୍ଷିଣ ଆଫ୍ରିକା ବିପକ୍ଷ ୫ମ ଅନ୍ତର୍ଜାତୀୟ ଦିନିକିଆରେ ଆଘାତପ୍ରାପ୍ତ ହେବାରୁ ତାଙ୍କୁ ଏହି ଦେଶ ବିପକ୍ଷ ଟି୨୦ ସିରିଜରେ ଖେଳାଯାଇ ନ ଥିଲା। ୪ ଦିନ ହେଲା ସାମାନ୍ୟ ଜ୍ୱର ଅନୁଭବ କରିବାରୁ ସୋମବାର ସେ ତାଙ୍କର କୋଭିଡ୍ ଟେଷ୍ଟ କରାଇଥିଲେ। ମଙ୍ଗଳବାର ଫଳାଫଳ ପଜିଟିଭ ଆସିବାପରେ ସେ ନିଜ ଘରେ ଆଇସୋଲେଶନରେ ଅଛନ୍ତି। ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ ଖେଳୁଥିବାବେଳେ ହରମନପ୍ରୀତ୍ଙ୍କର ନିୟମିତ ଟେଷ୍ଟ କରାଯାଉଥିଲା। ତେଣୁ ସିରିଜ ପରେ ସେ କରୋନା ସଂକ୍ରମିତ ହୋଇଛନ୍ତି। ଦିନିକିଆ ସିରିଜ ଖେଳୁଥିବାବେଳେ ସେ ଭଲ ଫର୍ମରେ ଥିଲେ। ଏହି ସମୟରେ ସେ ଗୋଟିଏ ଅର୍ଦ୍ଧଶତକ ଓ ୪୦ ରନ ସଂଗ୍ରହ କରିଥିଲେ। ୧୨ ମାସ ପରେ ଅନ୍ତର୍ଜାତୀୟ କ୍ରିକେଟକୁ ଫେରିଥିବା ଭାରତ ଉଭୟ ଅନ୍ତର୍ଜାତୀୟ ଦିନିକିଆ ଓ ଟି୨୦ ସିରିଜରେ ପରାଜି ହୋଇଥିଲା।