ମୁମ୍ବାଇ,୩୧।୩: ଚଳିତ ଆଇପିଏଲରେ ବୁଧବାର କୋଲକାତା ନାଇଟ୍ ରାଇଡର୍ସ (କେକେଆର୍) ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ଉଲ୍ଲେଖନୀୟ ପ୍ରଦର୍ଶନ କରିଥିଲେ ହର୍ଶଲ ପଟେଲ। ଏହି ପେସର ୪ ଓଭରରେ ୧୧ ରନ୍ ଦେଇ ଦୁଇ ଉଇକେଟ ନେବା ସହିତ ଏଲାଇଟ୍ ତାଲିକାରେ ସ୍ଥାନ ପାଇଛନ୍ତି।
ତାଙ୍କ ସ୍ପେଲର ପ୍ରଥମ ଦୁଇ ଓଭରରେ ଉଇକେଟ ମିଳିବା ସହ ମେଡେନ ରହିଥିଲା। ଏଭଳି ସଫଳତା ହାସଲ କରିବାରେ ସେ ଆଇପିଏଲର ଦ୍ୱିତୀୟ ବୋଲର। କୌତୁହଳର କଥା ହେଉଛି, ଏହି ସଫଳତା ହାସଲ କରିଥିବା ପ୍ରଥମ ପେସର ହେଉଛନ୍ତି ହର୍ଶଲଙ୍କ ଆରସିବି ସାଥି ଖେଳାଳି ମହମ୍ମଦ ସିରାଜ। ସେ ୨୦୨୦ରେ କୋଲକାତା ବିପକ୍ଷରେ ୮ ରନ୍ ଖର୍ଚ୍ଚ କରି ୩ ଉଇକେଟ ନେଇଥିଲେ।