ରୋହତକ,୨୬।୮: ହରିୟାଣାର ରୋହତକ ଜଣେ ବିବାହ କରିବାକୁ ଯାଉଥିବା ଜଣେ କନ୍ୟାଙ୍କୁ କିଛି ବ୍ୟକ୍ତି ବନ୍ଧୁକ ଦେଖାଇ ଅପହରଣ କରିନେଇଛନ୍ତି। ଏନେଇ ସ୍ଥାନୀୟ ଅଞ୍ଚଳରେ ଏକ ଭୟ ସୃଷ୍ଟି ହୋଇଛି। ଯୁବତୀଙ୍କ ଭାବିସ୍ବାମୀ ଏନେଇ ଥାନାରେ ଏତଲା ଦେଇଥିଲେ। ଅପହରଣର ୬ ଘଣ୍ଟା ପରେ ମୁଖ୍ୟ ଅଭିଯୁକ୍ତଙ୍କ ପିଉସୀ ଘରୁ ଯୁବତୀଙ୍କୁ ଉଦ୍ଧାର କରାଯାଇଥିଲା। ପୋଲିସ ମୁତାବକ ଦଳିତ ସମ୍ପଦାୟର ଏହି ଯୁବତୀଙ୍କୁ ସେହି ଗ୍ରାମର ଉଚ୍ଚ ସମ୍ପଦାୟର ଯୁବକ ମୋହିତ ଅପହରଣ କରିନେଇଥିଲେ। ବିବାହ ଠିକ୍ ହେବା ପୂର୍ବରୁ ମଧ୍ୟ ମୋହିତ ତାଙ୍କୁ ହଇରାଣ କରୁଥିବା ଯୁବତୀ ଜଣଙ୍କ ପୋଲିସ ନିକଟରେ କହିଛନ୍ତି। ସେହିପରି ଯୁବତୀଙ୍କ ପିତା କହିଥିଲେ ଅଭିଯ୍fକ୍ତଙ୍କୁ ଫାଶୀ ଦିଆଯାଉ। ମୋହିତଙ୍କ ଯୋଗୁ ତାଙ୍କ ଝିଅର ଶୀଘ୍ର ବିବାହ କରିଦେବାକୁ ଚାହୁଁଥିଲେ ବୋଲି ସେ କହିଛନ୍ତି।