ଚଣ୍ଡିଗଡ଼,୨୩ା୩: ପୋଲିସକୁ ଚକ୍ମା ଦେଇ ଫେରାର ଥିବା ଖଲିସ୍ତାନୀ ନେତା ଅମ୍ରିତ୍ପାଲ ସିଂ ରବିବାର ହରିୟାଣାରେ ରହିଥିଲେ। ସେ ତାଙ୍କର ଜଣେ ସହଯୋଗୀଙ୍କ ଘରେ ରହିବା ପରେ କେଉଁଆଡେ ଚାଲିଯାଇଥିବା ପୋଲିସ ପକ୍ଷରୁ କୁହାଯାଇଛି।
ଏହି ଘଟଣାରେ ସମ୍ପୃକ୍ତ ବଲ୍ଜିତ କୌର(୨୮) ନାମ୍ନୀ ସହଯୋଗୀଙ୍କୁ ପୋଲିସ ଗିରଫ କରିଛି। ଅମ୍ରିତପାଲ୍ ତାଙ୍କର ଅନ୍ୟତମ ସହଯୋଗୀ ପପଲପ୍ରୀତ୍ ସିଂଙ୍କ ସହ ଏକ ସ୍କୁଟରରେ ମହିଳାଙ୍କ କୁରୁକ୍ଷେତ୍ର ଜିଲା ଶାହାବାଦ ସହରରେ ଥିବା ଘରକୁ ଯାଇଥିବା ଜଣାପଡିଛି। ଅନ୍ୟପକ୍ଷେ ଅମ୍ରିତ୍ପାଲଙ୍କ ବ୍ୟକ୍ତିଗତ ସୁରକ୍ଷା ଦାୟିତ୍ୱରେ ଥିବା ତେଜିନ୍ଦର ସିଂ ଗିଲ୍ଙ୍କୁ ମଧ୍ୟ ପଞ୍ଜାବ ପୋଲିସ ଗିରଫ କରିଛି।