ଜୟପୁର,୧୪।୧୨: ମଧ୍ୟପ୍ରଦେଶ ଏବଂ ରାଜସ୍ଥାନରେ ହୋଇଥିବା ବିଜୟ ଭାରତୀୟ ଜନତା ପାର୍ଟି(ଭାଜପା)କୁ ୨୦୨୪ ଲୋକ ସଭା ନିର୍ବାଚନ ପୂର୍ବରୁ ନୂତନ ଉତ୍ସାହରେ ପରିପୂର୍ଣ୍ଣ କରିଛି। ନିର୍ବାଚନ ଫଳାଫଳ ପରେ ରାଜସ୍ଥାନ ଏବଂ ମଧ୍ୟପ୍ରଦେଶ ମଧ୍ୟ ନଆ ମୁଖ୍ୟମନ୍ତ୍ରୀ ପାଇଛନ୍ତି, କିନ୍ତୁ ଏହି ଚମତ୍କାର ସଫଳତା ପରେ ମଧ୍ୟ ଦୁଇ ଭେଟେରାନ ଭଜେପା ନେତାଙ୍କ ଭବିଷ୍ୟତ ଉପରେ ପ୍ରଶ୍ନ ଉଠିଛି। ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ଭବିଷ୍ୟତକୁ ନେଇ ପ୍ରଶ୍ନ ଉଠିଥିବା ବେଳେ ଦୁଇଥର ରାଜସ୍ଥାନର ମୁଖ୍ୟମନ୍ତ୍ରୀ ଥିବା ବସୁନ୍ଧର ରାଜେଙ୍କ ଅବସ୍ଥା ମଧ୍ୟ ସମାନ।
ବସୁନ୍ଧର ରାଜେଙ୍କର ସମସ୍ତ ଉଦ୍ୟମ ବିଫଳ ହେଲା, ଦଳର ହାଇକମାଣ୍ଡ ତାଙ୍କ ଜିଦକୁ ଅଣଦେଖା କରି ଭଜନ ଲାଲ ଶର୍ମାଙ୍କୁ ରାଜସ୍ଥାନର ନୂତନ ମୁଖ୍ୟମନ୍ତ୍ରୀ ଭାବରେ ଘୋଷଣା କରିଥିଲେ। ଦଳ ତାଙ୍କୁ ରାଜ୍ୟରେ କୌଣସି ବଡ଼ ଦାୟିତ୍ୱ ଦେଇନାହିଁ। ଏବେ ପ୍ରଶ୍ନ ଉଠୁଛି ଯେ, ରାଜେଙ୍କ ପାଇଁ ପରେ କ’ଣ ହେବ, ସେ ଜାତୀୟ ରାଜନୀତିରେ ପ୍ରବେଶ କରିବେ ନା ସେ ରାଜନୀତିର ମଇଦାନରେ ହଜିଯିବେ।
ଦୁଇଥର ରାଜସ୍ଥାନର ମୁଖ୍ୟମନ୍ତ୍ରୀ ଥିବା ବସୁନ୍ଧରା ବର୍ତ୍ତମାନ ଭାଜପାର ରାଷ୍ଟ୍ରୀୟ ଉପସଭାପତି ଅଛନ୍ତି। ରାଜସ୍ଥାନରେ ଜିତିଥିବା ବିଧାୟକଙ୍କ ମଧ୍ୟରେ ଦୁଇ ଡଜନରୁ ଅଧିକ ତାଙ୍କ କ୍ୟାମ୍ପରୁ ଆସିଛନ୍ତି। ସେମାନଙ୍କ ମଧ୍ୟରୁ ଅନେକ ବରିଷ୍ଠ, ତେଣୁ ସେମାନେ ସରକାର ଚଳାଇବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବେ। କୁହାଯାଉଛି ଯେ ଦଳର ନେତୃତ୍ୱଙ୍କ ନିର୍ଦ୍ଦେଶରେ ବସୁନ୍ଧରା ମଧ୍ୟ ମୁଖ୍ୟମନ୍ତ୍ରୀ ଭଜନ ଲାଲ ଶର୍ମାଙ୍କୁ ସମର୍ଥନ କରିବା ଆରମ୍ଭ କରିଛନ୍ତି। ଉପ ମୁଖ୍ୟମନ୍ତ୍ରୀ ହୋଇଥିବା ଦିୟା କୁମାରୀ ବସୁନ୍ଧରାଙ୍କ ଆଶୀର୍ବାଦ ବିଷୟରେ କହୁଛନ୍ତି।