![](https://www.dharitri.com/wp-content/uploads/2022/05/Havana.jpg)
ହାଭାନା,୭ ।୫: କ୍ୱିବାର ରାଜଧାନୀ ହାଭାନାର ଏକ ହୋଟେଲରେ ଶୁକ୍ରବାର ରାତିରେ ଭୟଙ୍କର ବିସ୍ଫୋରଣ ହୋଇଛି । ଏଥିରେ ମୃତକଙ୍କ ସଂଖ୍ୟା ୧୮ରେ ପହଞ୍ଚିଥିବା ସୂଚନା ରହିଛି । କ୍ୟୁବାର ରାଷ୍ଟ୍ରପତି ଏହି ଘଟଣାରେ ଦୁଃଖ ପ୍ରକାଶ କରିବା ସହ ସୂଚନା ଦେଇ କହିଛନ୍ତି ହାଭାନାର ସାରାଟୋଗା ହୋଟେଲରେ ହୋଇଥିବା ବିସ୍ଫୋରଣରେ ଜଣେ ଗର୍ଭବତୀ ମହିଳା ଓ ଶିଶୁ ସମେତ ୧୮ ଜଣଙ୍କ ମୃତ୍ୟୁ ହୋଇଛି । ତେବେ ଏପର୍ଯ୍ୟନ୍ତ କେତେଜଣଙ୍କ ଖବର ମିଳୁ ନ ଥିବା ବେଳେ କେତେଜଣ ଗୁରୁତର ଆହତ ଥିବାରୁ ମୃତ୍ୟୁ ସଂଖ୍ୟା ବଢିପାରେ ବୋଲି ଅନୁମାନ କରାଯାଉଛି ।
ସୂଚନାଯୋଗ୍ୟ, ବିସ୍ଫୋରଣର ମାତ୍ରା ଏତେ ଅଧିକ ଥିଲା ଯେ ଏହି ଲକଜରୀ ହୋଟେଲର ଗୋଟିଏ ଭାଗ ସମ୍ପୂର୍ଣ୍ଣ ନଷ୍ଟ ହୋଇ ଯାଇଛି । ଅନ୍ୟ ଭାଗ ବି କ୍ଷତିଗ୍ରସ୍ତ ହୋଇଛି । ତେବେ ଘଟଣା ପରେ କ୍ୟୁବାର ଅଧିକାରୀଙ୍କ ସୂଚନା ଅନୁଯାୟୀ ୯ ଜଣଙ୍କ ମୃତ୍ୟୁ ହୋଇଥିଲା । ହେଲେ ଏବେ ଏହି ସଂଖ୍ୟା ୧୮ରେ ପହଞ୍ଚିଛି । ଅନ୍ୟପଟେ ୪୦ ଜଣ ଆହତଙ୍କ ଚିକିତ୍ସା ଚାଲିଥିବା ପ୍ରଶାସନ କହିଛି । ଘଟଣାର ଯାଞ୍ଚ ଚାଲିଥିବା ବେଳେ ଏହା ଗ୍ୟାସ ଲିକ୍ ଯୋଗୁ ହୋଇଥିବା ପ୍ରାଥମିକ ତଦନ୍ତରୁ ସୂଚନା ଦିଆଯାଇଛି ।