ତିରୁନେଲଭେଲି,୨୮।୨ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିରାଟ କାୟ ଶତ୍ରୁ ସହ ତୁଳନା କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଆଉ ପ୍ରେମ ଓ ଅହିଂସା ମାର୍ଗରେ ପ୍ରଧାନମନ୍ତ୍ରୀଙ୍କୁ ହରାଇବୁ ବୋଲି ତାମିଲନାଡୁର ତିରୁନେଲଭେଲିସ୍ଥିତ ସେଣ୍ଟ ଜାଭିୟର କଲେଜରେ ଆୟୋଜିତ ଏଜୁକେଟର୍ସ ମିଟ୍ ଇଭେଣ୍ଟ ଅବସରରେ ରାହୁଲ କହିଛନ୍ତି। ଆଗାମୀ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ମତଦାନ ଲାଗି ରାହୁଲ ଏହି ଗସ୍ତ କରିଛନ୍ତି।
” ଆମେ ଏକ ବିରାଟ ଶତ୍ରୁ ସହ ଲଢ଼େଇ କରୁଛୁ। ଆମ ଶତ୍ରୁ ଅର୍ଥ ବଳରେ ଦେଶରେ ରାଜ କରୁଛି ଓ ବିରୋଧୀଙ୍କୁ ଭାଗ ଭାଗ କରି ଦେଉଛି। ଆମେ ଏଭଳି ଶତ୍ରୁ ସହ ପୂର୍ବରୁ ଲଢ଼ିଛୁ। ଏହି ନୂଆ ଶତ୍ରୁ ଠାରୁ ଆମେ ଖୁବ୍ ବଡ଼ ଓ ଶକ୍ତିଶାଳୀ ବ୍ରିଟିଶ ସାମ୍ରାଜ୍ୟକୁ ହରାଇଛୁ। ବ୍ରିଟିଶ ସାମ୍ରାଜ୍ୟ ତୁଳନାରେ ମୋଦି ସରକାର କିଛି ନୁହେଁ। ଏହି ଦେଶର ଲୋକେ ଦେଶରୁ ତଡ଼ି ଦେଇଥିଲେ ବ୍ରିଟିଶ ସାମ୍ରାଜ୍ୟକୁ। ସେହିଭଳି ଆମେ ମୋଦିଙ୍କୁ ନାଗପୁର ପଠାଇ ଦେବୁ। ସୂଚନା ଯୋଗ୍ୟ, ନାଗପୁରଠାରେ ରାଷ୍ଟ୍ରିୟ ସ୍ବଂୟ ସେବକ ସଂଘ (ଆରଏସ୍ଏସ୍)ର କାର୍ଯ୍ୟାଳୟ ଅଛି। ଆଗାମୀ ନିର୍ବାଚନ ଲାଗି ଭାଜପା ସରକାରୀ ଦଳ ଏଆଇଏଡିଏମ୍କେ ସହ ହାତ ମିଳାଇଛି। ସେହିଭଳି ଡିଏମ୍କେ ସହ ମିଶି ନିର୍ବାଚନ ବୈତରଣୀ ପାର ହେବାକୁ ଲକ୍ଷ୍ୟ ରଖିଛି କଂଗ୍ରେସ।
