ମୁମ୍ବାଇ,୩୧।୧୦: କ୍ରୁଜ ଡ୍ରଗ୍ସ ମାମଲାରେ ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେ ନାଁରେ ମହାରାଷ୍ଟ୍ର ସରକାରର ମନ୍ତ୍ରୀ ତଥା ଏନସିପି ନେତା ନବାବ ମଲିକଙ୍କୁ ଲଗାତାର ଅଭିଯୋଗ କରୁଛନ୍ତି। ନବାବ ମଲିକ ଅଭିଯୋଗ କରିଛନ୍ତି ଯେ, ସମୀର ୱାଙ୍ଖଡେ ଅନୁସୂଚିତ ଜାତିର ନୁହଁନ୍ତି। ଏହି ପରିପ୍ରେକ୍ଷୀରେ ରିପବ୍ଲିକାନ ପାର୍ଟି ମୁଖ୍ୟ ତଥା କେନ୍ଦ୍ର ମନ୍ତ୍ରୀ ରାମଦାସ ଅଠୱାଲେ ସମୀରଙ୍କ ସମର୍ଥନରେ ବାହାରିଛନ୍ତି। ଅଠୱାଲେ କହିଛନ୍ତ, ମୁଁ ନବାବ ମଲିକଙ୍କୁ କହିବାକୁ ଚାହୁଁଛି ସମୀର ୱାନକେଡେ ଏବଂ ତାଙ୍କ ପରିବାରକୁ ବଦନାମ କରିବା ଷଡଯନ୍ତ୍ର ବନ୍ଦ କରନ୍ତୁ। ଯଦି ସେ କହୁଛନ୍ତି ସମୀର ଜଣେ ମୁସଲମାନ, ତେବେ ମୁସଲମାନଙ୍କ ଉପରେ ଅଭିଯୋଗ କାହିଁକି ଆଣୁଛନ୍ତି। ରିପବ୍ଲିକାନ ପାର୍ଟି ସମୀରଙ୍କ ସହ ଛିଡା ହୋଇଛି, ସମୀରଙ୍କର କୌଣସି କ୍ଷତି ହେବ ନାହିଁ ବୋଲି ସେ କହିଛନ୍ତି।
ଏଥି ସହିତ, ପୂର୍ବ ଦିନ ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେ ନବାବ ମଲିକଙ୍କ ଅଭିଯୋଗ ସମ୍ପର୍କରେ ଅନୁସୂଚିତ ଜାତି ଆୟୋଗରେ ପହଞ୍ଚି ତାଙ୍କ ବିରୋଧରେ ହୋଇଥିବା ଆରୋପ ଉପରେ ଅଭିଯୋଗ କରିଥିଲେ। ସେଠାରେ ସେ ଅନୁସୂଚିତ ଜାତି ଆୟୋଗର ଡେପୁଟି ଚେୟାରମ୍ୟାନଙ୍କୁ ଭେଟି ଅନୁସୂଚିତ ଜାତିର ବୋଲି ପ୍ରମାଣ ଉପସ୍ଥାପନ କରିଥିଲେ।
