ଲଣ୍ଡନ,୩୧।୮: ଆମକୁ ଟେଷ୍ଟ ସିରିଜ୍ ଜିତିବାକୁ ହେଲେ ଆଗାମୀ ଦୁଇ ଟେଷ୍ଟରେ ଭାରତୀୟ ଅଧିନାୟକ ବିରାଟ କୋହଲିଙ୍କୁ ଚୁପ୍ ରଖିବାକୁ ପଡ଼ିବ। ଇଂଲଣ୍ଡ ଅଧିନାୟକ ଜୋ ରୁଟ୍ ମଙ୍ଗଳବାର ଏଭଳି କହିଛନ୍ତି।
୫ ମ୍ୟାଚ୍ ବିଶିଷ୍ଟ ସିରିଜ୍ ଏବେ ୧-୧ର ବରାବର ସ୍ଥିତିରେ ଅଛି। ଚତୁର୍ଥ ଟେଷ୍ଟ ଲଣ୍ଡନର ଓଭାଲ ଠାରେ ଗୁରୁବାରଠାରୁ ଆରମ୍ଭ ହେବ। ଏପର୍ଯ୍ୟନ୍ତ କୋହଲି ମାତ୍ର ଥରେ ଅର୍ଦ୍ଧଶତକ ହାସଲ କରିଥିବା ବେଳେ ତାଙ୍କୁ ଦୁଇ ଥର ଆଉଟ୍ କରିବାରେ ସଫଳ ହୋଇଛନ୍ତି ଜେମ୍ସ ଆଣ୍ଡରସନ।
ସଫଳତାର ଶ୍ରେୟ ଆମ ବୋଲିଂ ବିଭାଗକୁ ଦେବାକୁ ପଡ଼ିବ। କାରଣ ବିରାଟ ଜଣେ ବିଶ୍ୱ ସ୍ଥରୀୟ ବ୍ୟାଟ୍ସମ୍ୟାନ। ତାଙ୍କୁ ଆଉଟ୍ କରିବା କୌଣସି ବୋଲରଙ୍କ ପକ୍ଷେ ସହଜ ନୁହେଁ। ତାଙ୍କୁ ଚଳିତ ସିରିଜ୍ରେ ଚୁପ୍ ରଖିବା ପାଇଁ ଆମ ବୋଲରଙ୍କୁ ଶ୍ରେୟ ଦିଆଯିବା ଉଚିତ୍। ସିରିଜ୍ ଜିତିବାକୁ ହେଲେ ଆମକୁ ସେଭଳି ପ୍ରଦର୍ଶନ ଜାରି ରଖିବାକୁ ପଡ଼ିବ। କୋହଲି ଟେଷ୍ଟ କ୍ରିକେଟରେ ବହୁ କୀର୍ତ୍ତିମାନ ସ୍ଥାପନ କରିଛନ୍ତି। କିନ୍ତୁ ତାଙ୍କୁ ଆଉଟ୍ କରିବା ପାଇଁ ଆମକୁ ବାଟ ମିଳି ସାରିଛି ବୋଲି ମଙ୍ଗଳବାର ଆୟୋଜିତ ଖବରଦାତା ସମ୍ମିଳନୀରେ ରୁଟ୍ କହିଛନ୍ତି।