ଏଫ୍୧ କାର୍ ରେସ୍ ଦେଖିବାକୁ ପ୍ରାୟ ସମସ୍ତେ ଭଲ ପାଆନ୍ତି। ଏହାକୁ ଦେଖିବାବେଳେ ମନରେ ଜୋଶ୍ ଭରିଯାଏ। ହେଲେ ଏହା ଏକ ବିପଜ୍ଜନକ ଖେଳ। ଏହାର କାର୍ଗୁଡ଼ିକ ସାଧାରଣ କାର୍ଠାରୁ ଭିନ୍ନ ହୋଇଥାଏ; ଯାହାକି ସମସ୍ତଙ୍କୁ ଆକର୍ଷିତ କରେ। ତେବେ ଏଠି ଯେଉଁ ଏଫ୍୧ କାର୍ ଦେଖୁଛନ୍ତି ତାକୁ ଦ୍ରୁତ ବେଗରେ ଚଳାଇ ହେବନି। ହେଲେ ଏହାକୁ ଖାଇ ପାରିବେ। ଭାବୁଥିବେ ଏହା କେମିତି ସମ୍ଭବ ବୋଲି। କଥା କ’ଣ କି ଉକ୍ତ କାର୍ଟି ତିଆରି ହୋଇଛି ବ୍ରେଡ୍ରେ। ସିଙ୍ଗାପୁର, ସ୍କଟ୍ସରେ ଏହା ପ୍ରଦର୍ଶିତ ହୋଇଥିଲା। ୬ ଜଣ ସେଫ୍, ୨ ଜଣ ଟେକ୍ନିସିଆନ୍, ୫ ଜଣ ଭଲ୍ୟୁଣ୍ଟିୟର୍ ଟିମ୍ ମିଶି ଏହି ବ୍ରେଡ୍ ଏଫ୍୧ ରେସିଂ କାର୍ଟି ତିଆରି କରିଛନ୍ତି। ଏହି ବ୍ରେଡ୍ କାର୍ ଏସିଆର ସବୁଠୁ ବଡ଼ ବୋଲି କୁହାଯାଉଛି। ଏହି ଲାଇଫ ସାଇଜ୍ ବ୍ରେଡ୍ ରେସିଂ କାର୍କୁ ତିଆରି କରିବା ଲାଗି ୧୫ କେଜି ଇଷ୍ଟ, ୧୪ ଲିଟର ପାଣି, ୨ କେ.ଜି. ଲୁଣ ଏବଂ ୧୦୮୦୦ ଏମ୍ଏଲ ଫୁଡ ଭାର୍ନିଶ ସହ ଏଥିରେ ୧୦୦୦ ଲୋଭ୍ସ, ୨୨ ପ୍ରକାରର ବ୍ରେଡ୍ ବ୍ୟବହାର ହୋଇଛି। ୧୫୦୦୦ ଡଲାର ମୂଲ୍ୟର ଏହି କାର୍କୁ ତିଆରି କରିବା ଲାଗି ୫୪୯ ଘଣ୍ଟା ସମୟ ଲାଗିଥିଲା।