ଆପଣ ନିଶ୍ଚିତ ଭାବରେ ଆଜି ପର୍ଯ୍ୟନ୍ତ ପଶୁମାନଙ୍କର ଅନେକ ଭିଡିଓ ଦେଖିଥିବେ। କେତେକ ଭିଡିଓରେ ପଶୁମାନଙ୍କ କାର୍ଯ୍ୟ ଆଶ୍ଚର୍ଯ୍ୟଚକିତ କରିଥାଏ। ବିଲେଇମାନେ ବଡ଼ବଡ଼ କୋଠାରୁ ଡେଉଁଥିବାର ଦେଖିଥିବେ। ବିଲେଇମାନଙ୍କର ଶରୀର ଯଥେଷ୍ଟ ନମନୀୟ। ଯେତେବେଳେ ସେ ଉଚ୍ଚତାରୁ ଡେଇଁଥାନ୍ତି ସେତେବେଳେ ନିଜ ଶରୀରକୁ ଖାଲି ଛାଡ଼ିଦେଇଥାନ୍ତି। ଏହି କାରଣରୁ ତଳେ ପଡ଼ିଲେ ମଧ୍ୟ କୌଣସି ଆଘାତ ପାଆନ୍ତି ନାହିଁ। କିନ୍ତୁ ନିକଟରେ ଏକ କୁକୁର ମଣିଷ ପରି ଛାତରୁ ଡେଇଁଥିବା ଦେଖିବାକୁ ମିଳିଛି। ଏହି ଭିଡିଓ ଏବେ ସୋସିଆଲ ମିଡିଆରେ ତୀବ୍ର ବେଗରେ ଭାଇରାଲ ହେଉଛି।
ଭାଇରାଲ ହେଉଥିବା ଏହି ଭିଡିଓରେ ଚତୁର୍ଥ ମହଲାରୁ ଗୋଟିଏ କୁକୁର ଡେଇଁପଡ଼ିଥିବାର ନଜର ଆସିଛି। ସାଧାରଣତଃ କୁକୁରମାନେ ବହୁତ ବୁଦ୍ଧିମାନ ଅଟନ୍ତି। ସେମାନେ ଏପରି ଭୁଲ୍ କରନ୍ତି ନାହିଁ। କୁକୁରମାନଙ୍କର ଧାରଣା ଅଛି ଯେ, ଯଦି ସେମାନେ ଏତେ ଉଚ୍ଚତାରୁ ଡେଇଁପଡ଼ନ୍ତି, ତେବେ ସେମାନେ ଆଘାତ ପାଇବେ ଏବଂ ଜୀବନ ମଧ୍ୟ ହରାଇ ପାରନ୍ତି। କିନ୍ତୁ ଏହି ଭିଡିଓରେ କୁକୁରର କ’ଣ ହେଲା କିଏ ଜାଣେ? ସେ ଚତୁର୍ଥ ମହଲାରୁ ତଳକୁ ଡେଇଁ ପଡ଼ିଲା। ଏହାକୁ ନେଇ ସୋସିଆଲ ମିଡିଆରେ ବିତର୍କ ଆରମ୍ଭ ହୋଇଯାଇଛି।
ଭିଡିଓ ପୋଷ୍ଟ ହେବା ମାତ୍ରେ ଲୋକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ପ୍ରଥମେ ଏକ କଳାରଙ୍ଗର କୁକୁର ୪ ମହଲାରୁ ତଳରକୁ ଡେଇଁଲା। ତା’ପରେ ଆଗକୁ ଦୌଡ଼ିଲା। ଏହା ଲୋକଙ୍କ ମଧ୍ୟରେ ବିତର୍କ ଆରମ୍ଭ ହୋଇଛି। ଅନେକ ଲୋକ ମନ୍ତବ୍ୟରେ ଲେଖିଛନ୍ତି ଯେ, ଏହି ଦୁର୍ଘଟଣା ପରେ କୁକୁରର ଜୀବନ କେବେ ବି ବଞ୍ଚିବା କଥା ନୁହେଁ। କୁକୁରଟି ଯେପରି ଡେଇଁଲା, ତା’ର ଶରୀରର ଅନେକ ଅଂଶ ଆହତ ହୋଇଥିବ। ରକ୍ତସ୍ରାବ ମଧ୍ୟ ହୋଇଥିବ। ଏହି କାରଣରୁ ସେ ଜୀବନ ହରାଇଥାଇପାରେ ବୋଲି ଅନେକ ୟୁଜର ସୋସିଆଲ ମିଡିଆରେ ମତ ରଖିଛନ୍ତି।