ନାଚିବା କଥା ଯଦି ପଡେ ତେବେ ଏଭଳି କିଛି ଗୀତ ରହିଛି ଯାହା ବାଜିବା ମାତ୍ରେ ପାଦ ଆପେ ଆପେ ଉଠିଥାଏ। ଯେତେ ଚାହିଁଲେ ବି ନାଚିବାରୁ ନିଜକୁ ନିବୃତ କରିହୁଏନାହିଁ। ସେଭଳି ଗୋଟିଏ ଗୀତ ହେଲା ‘ନାଗିନ୍ ଟ୍ୟୁନ୍’। ବିଶେଷକରି ବିବାହ ଉତ୍ସବରେ ଏହି ଗୀତର ଚାହିଦା ଅଧିକ । ସମସ୍ତଙ୍କର ପ୍ରିୟ ମଧ୍ୟ। ଏବେ ଏହି ଗୀତରେ ନାଚି ଭାଇରାଲ ହେଉଛି ଏକ କୁକୁର। ଆଶ୍ଚର୍ଯ୍ୟ ଲାଗିଲେ ବି କଥାଟି ସତ। ଧଳା ରଙ୍ଗର ଏକ କୁକୁର ରାସ୍ତାରେ ଗଡ଼ି ଗଡ଼ି ନାଗିନ୍ ଡ୍ୟାନ୍ସ କରୁଥିବାର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି। ଭିଡିଓ ଦେଖି ଲୋକେ ମଜା ଉଠାଇବା ସହ କୁକୁରର ପ୍ରଶଂସା କରୁଛନ୍ତି।