ଦୁବାଇ,୩୧।୧୦: ଚଳିତ ଟି୨୦ ବିଶ୍ୱକପ୍ରେ ଟିମ୍ ଇଣ୍ଡିଆ ନିମ୍ନମାନର ପ୍ରଦର୍ଶନ ଜାରି ରଖିଥିବା ବେଳେ ଅଧିନାୟକ ବିରାଟ କୋହଲି କାର୍ଯ୍ୟସୂଚୀକୁ ସମାଲୋଚନା କରିଛନ୍ତି। ଚଳିତ ଟି୨୦ ବିଶ୍ୱକପ୍ରେ ୨୪ ତାରିଖରେ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ଖେଳିଥିବା ଭାରତୀୟ ଦଳ ଏକ ସପ୍ତାହ ବ୍ୟବଧାନ ପରେ ଦ୍ୱିତୀୟ ମ୍ୟାଚ୍ ଖେଳିଛି। ଏଭଳି ବ୍ରେକକୁ ହାସ୍ୟସ୍ପଦ କହିବା ସହ ଆମେ ୧୦ ଦିନ ମଧ୍ୟରେ ଦୁଇ ଥର ଖେଳୁଛୁ। ଏହା ଖୁବ୍ ବଡ଼ ବ୍ରେକ ବୋଲି କହିଛନ୍ତି କୋହଲି।
“ମୋ ମତରେ ଲମ୍ବା ବ୍ରେକ ଆମ ପାଇଁ ସବୁ ଦୃଷ୍ଟିରୁ ଭଲ ସାବ୍ୟସ୍ତ ହୋଇଛି। ୟୁଏଇର ଚ୍ୟାଲେଞ୍ଜିଂ ପରିସ୍ଥିତିରେ ଆମେ ଆଇପିଏଲ ଖେଳି ଆସିଛୁ। ଏଣୁ ଏଭଳି ବ୍ରେକ୍ ଆମ ପାଇଁ ନିଶ୍ଚିତ ଭାବେ ଭଲ। ମ୍ୟାଚ୍ ପୂର୍ବରୁ ପୂରା ଫିଟ୍ ରହିବାରେ ଏଭଳି ବ୍ରେକ ଦଳକୁ ସାହାଯ୍ୟ କରେ। ଆଇପିଏଲ ଭଳି ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ଟୁର୍ନାମେଣ୍ଟ ପରେ ଆମ ଶରୀରକୁ ଲମ୍ବା ବ୍ରେକ ଦରକାର ଥିଲା” ବୋଲି କୋହଲି କହିଥିଲେ।
ଭାରତୀୟ ଦଳ ଆସନ୍ତା ୩ ତାରିଖରେ ଆଫଗାନିସ୍ତାନକୁ ଭେଟିବ। ଏହାପରେ ୫ରେ ସ୍କଟଲାଣ୍ଡ ଓ ୮ରେ ନାମିବିଆ ସହ ଖେଳିବ ଭାରତୀୟ ଦଳ।