ନୂଆଦିଲ୍ଲୀ,୧୧।୧୨: ଶେଷ ହେବାକୁ ଯାଉଛି ବର୍ଷ ୨୦୨୦। ଏହାସହ ଏକ ଦଶନ୍ଧି ସମୟ ବିତିଯିବ। ତେବେ ଗତ ୧୦ ବର୍ଷ ମଧ୍ୟରେ ଅନେକ କିଛି ବଦଳିଛି। ବିଶେଷକରି ଭାରତୀୟ କ୍ରିକେଟ ଟିମ୍ ଅନେକ ଉତ୍ଥାନ-ପତନ ଦେଇ ଗତି କରିଛି। ତେବେ ବିଗତ ବର୍ଷ ମଧ୍ୟରେ କେଉଁ ଭାରତୀୟ ଖେଳାଳି ଭଲ ପ୍ରଦର୍ଶନ କରିଛନ୍ତି ପ୍ରଶ୍ନର ଉତ୍ତର ଦେଇଛନ୍ତି ଅଷ୍ଟ୍ରେଲିଆର ପୂର୍ବ ବ୍ୟାଟ୍ସମ୍ୟାନ୍ ମାଥ୍ୟୁ ହେଡନ୍। ସେ କହିଛନ୍ତି, ଭାରତୀୟ ଟିମ୍ରେ ମହେନ୍ଦ୍ର ସିଂହ ଧୋନୀ, ବିରାଟ କୋହଲି ତାଙ୍କର ପସନ୍ଦ। ହେଲେ ଉଭୟଙ୍କ ମଧ୍ୟରେ ଧୋନୀ ତାଙ୍କୁ ବେଶ୍ ପ୍ରଭାବିତ କରିଛନ୍ତି। କାରଣ ଏହି ବର୍ଷ ମଧ୍ୟରେ ସେ ବିଶ୍ୱ କପ୍ ଏବଂ ଚାମ୍ପିଅନ୍ସ ଟ୍ରଫି ଜିତିଥିଲେ। ଏହା ଏକ ମାଇଲଷ୍ଟୋନ। କେବଳ ଜଣେ ଅଧିନାୟକ ଭାବେ ନୁହେଁ ବରଂ ମଧ୍ୟବର୍ଗର ଜଣେ ସଫଳ ବ୍ୟାଟ୍ସମ୍ୟାନ୍ ଭୂମିକା ସେ ନିର୍ବାହ କରିଥିଲେ ବୋଲି ସେ କହିଛନ୍ତି।